Rojev
Flaş
15/09/2026
Girtîgeha Kobanê ya ku 9 kes lê mirin di bin îdareya kê de ye?
Piştî xwe şewitandina 9 girtiyan li Kobanê, pirsa sereke ku derketiye holê ev e: “Kî berpirsiyarê vê bûyerê ye?” Agirekî…
Civak
15/09/2026
Li Herêma Kurdistanê 1,9 milyon xwendekar dest bi sala nû ya perwerdeyê dikin
Wezîrê Perwerdeyê yê Herêma Kurdistanê Alan Heme Seîd ragihand ku 1,9 milyon xwendekar dest bi sala nû ya perwerdeyê dikin.Wezîrê Perwerdeyê Alan Heme Seîd diyar kir ku ji bo sala nû ya perwerdeyê 22 milyon pirtûk hatine çapkirin, bi giştî ji bo depoyên Herêma Kurdistanê hatine şandin û belavkirina wan pirtûkan jî dest pê kiriye.Wezîr her wiha ragihand ku di serdema perwerdeyê ya 2026-2027an de nêzîkî 1 milyon û 750 hezar xwendekaran li dibistanên fermî û nêzîkî 170 hezar xwendekaran jî li dibistanên taybet dest bi perwerdeyê bikin.Alan Heme Seîd 14ê Îlona 2026an amarên xwendekaran û pêvajoya tomarkirinê ji Rûdawê re ragihandin û got:“Li dibistanên fermî nêzîkî 1 milyon û 750 hezar, li saziyên perwerdeya taybet jî dê 170 hezar xwendekar hebin lê ji ber ku pêvajoya tomarkirinê berdewam dike, dê her du amar jî zêde bibin.”“Niha ji sedî 98ê pêvajoyê qediyaye”Wezîrê Perwerdeyê derbarê tomarkirina pola yekem got:“Her sal di navbera 150 hezar û 165 hezar xwendekaran de ji bo pola yekem a dibistana seretayî tomar dibin.Niha ji sedî 98ê pêvajoya tomarkirinê qediyaye lê li dibistanan nivîsîna daneyan berdewam dike.Di heman demê de, her sal 10-15 hezar xwendekarên nû li sektora perwerdeya giştî zêde dibin.”Alan Heme Seîd piştrast kir ku malbat û mamoste derbarê dabînkirina pirtûkan xeman nexwin û wiha got:“Herêm di rewşeke awarte re derbas dibe lê em xweşbext in ku 10ê Îlonê karwanê dawî yê pirtûkan jî gihîşt Herêma Kurdistanê û li derveyî welat ti pirtûk neman.Niha zêdetirî 22 milyon pirtûkan hatine çapkirin tenê pêvajoya belavkirina ji depoyan maye û vê pêvajoyê jî dest pê kiriye.”Wezîrê Perwerdeyê li ser pirsgirêkên belavkirina pirtûkan wiha berdewam kir:“Di çend rojên pêşî yên destpêkirina dibistanan de dibe ku hinek dibistan nikaribin hemû pirtûkên xwe wergirin lê ev nayê wê wateyê ku pirtûk nînin, ev tenê bi pêvajoya veguhastinê ve girêdayî ye.Em her kesî piştrast dikin ku ji bo hemû saziyên perwerdeyê pirtûkên nû hatine dabînkirin.”Wezîrê Perwerdeyê di daxuyaniya xwe de cih da rewşa xwendekarên jêhatî jî û got:“Sê navendên perwerdeyê yên Wezareta Perwerdeyê ji bo xwendekarên jêhatî hene:Li Silêmaniyê Lîseya EzmerêLi Hewlêrê Lîseya QelayêLi Dihokê Lîseya DihokêEv dibistan ji pola 7an heta pola 12an perwerdeyê didin û xwendekar li gorî pîvan û standardên cuda û azmûnên jîrbûnê tên pejirandin.”
Polîtîk
14/09/2026
Serokê Herêma Kurdistanê pêşwaziyê li Berpirsê Nû yê Balyozxaneya Amerîkayê li Iraqê kir
Nîvroya îro Duşem 14.09.2026an, rêzdar Nêçîrvan Barzanî, Serokê Herêma Kurdistanê, di hevdîtinekê de digel birêz Balyoz Steven Fagin, Berpirsê Nû…
Cîhan
14/09/2026
Trump: Îran dixwaze bi lez peymanekê îmze bike
Serokê Amerîkayê Donald Trump ragihand ku Îran dixwaze bi lez peymanekê îmze bike. Trump her wiha diyar kir ku ew biryarê dide ka dê Amerîka beşdarî wê peymanê bibe yan na. Serokê Amerîkayê Donald Trump îro li ser Truth Socialê daxuyaniyek da û got: “Welatê têkçûyî yê Îranê dixwaze bi lez û bi kelecaneke mezin peymanekê bike. Ez biryarê didim ka dê Amerîka beşdar bibe yan na lê em ji bo vê ramanê vekirî ne.” Civîna li ser Tengava Hurmizê hat paşxistin Divê were gotin ku aloziyên li Rojhilata Navîn didomin. Her wiha, Umanê 13ê Îlona 2026an ragihand ku civîna di navbera Îran û welatên Kendavê de hatiye paşxistin. Ev civîn li ser paşeroja Tengava Hurmizê bû û dihat gotin ku dê roja duşemê bê lidarxistin. Ajansa Nûçeyan a Umanê ragihand ku civîna li bajarê Selaleyê hatiye paşxistin. Li gorî nûçeyê armanca paşxistinê ew e ku zemînek ji bo diyalogeke avaker were çêkirin. Wezareta Karên Derve ya Îranê berê ragihandibû ku dê Uman mazûvaniya civînekê bike. Ew civîn ji bo gotûbêjkirina paşeroja tengavê ye ku ji bo veguhastina petrol û gaza cîhanê gelekî girîng e. Bihayê petrolê 100 dolar desbar kir Li hêla din, Wezîrê Karên Derve yê Umanê Bedir Bûseîdî li ser hesabê xwe yê Xê daxuyaniyek da û got: “Em rijd in ku em wê diyalogê bi pêş bixin ku beşdarî aramî û hevkariya domdar a li herêma me dibe.” Uman û Îran ev çend hefte ne li ser çawaniya îdarekirina vê xeta avê ya girîng gotûbêjan dikin. Amerîkayê û Îsraîlê 28ê Sibata borî êrişî Îranê kir û şerekî berfirehtir li herêmê derket. Piştî vê yekê Tengava Hurmizê rû bi rûyî dorpêça Îranê û piştre jî ya Amerîkayê bû.
