Polîtîk

Îşev li asmanê Hewlêrê dengê teqînên bihêz ên li pey hev hat bihîstin. Derket holê ku ew deng ji ber çar dronan bû ku ji aliyê pergalên parastina asmanî ve hatine teqandin. Li gorî agahiyên ku Rûdawê bi dest xistine, çar dronên ku bajarê Hewlêrê kiribûn armanc ji aliyê pergalên parastinê ve hatin tesbîtkirin û hêzên parastinê ew dron li asmanê bajêr bê bandor kirin û xistin xwarê. Dîmenên pergalên parastinê Di wan dîmenên vîdeoyî de ku gihîştine Rûdawê û li ser torên civakî bi lez belav bûne, tê dîtin ku pergalên parastinê (C-RAM) çalak bûne. Di vîdeoyan de kêlî bi kêlî diyar dibe ku pergalên parastinê li hewayê bersivê didin dronan. Li hêla din îşev rişî Taslûceya Silêmaniyê hat kirin. Li gorî dîmenên vîdeoyî yên ku ji bo Rûdawê hatine şandin, li derdora wî cihê ku lê hatiye xistin agirekî mezin derketiye û li gorî agahiyan birîndar hene.

Serokatiya Herêma Kurdistanê êrîşên li ser Herêma Kurdistanê bi tundî şermezar kir û got ku ew gefek rasterast li ser…

Hikûmeta Herêma Kurdistanê êrîşên mûşekî û dironên Îranê li ser Herêma Kurdistana Iraqê bi tundî şermezar kir. Serokatiya Hikûmeta Herêma…

Di vê “Pêvajoya Tirkiye ya bê teror” de, devjêberdana çekan ji aliyê PKKê ve çepên Tirk û beşek ji çepên…

Serokê Koma CHPê Özgür Özel û tîma wî li dijî biryara ” mutleq” a ku ji aliyê Dadgeha Îstînafê ya…

Berpirsekî Komeleya Şoreşger a Zehmetkêşên Kurdistana Îranê ragihand ku ji ber êrişên berê vê sibehê yên li baregeheke wan a li parêzgeha Silêmaniyê, şehîd û birîndarên wan hene. Endamekî Komîteya Navendî ya Komeleya Şoreşger a Zehmetkêşên Kurdistana Îranê li ser êrişên bi dron û mûşekan ên li ser kampên wan ji Tora Medyayî ya Rûdawê re axivî. Wî endamê komîteyê diyar kir, “Navenda me ya sereke ya li Zirgiwêzeleya Silêmaniyê bi 6 mûşekan hat bombebarankirin û agir pê ket.” Berpirsê Komeleya Şoreşger li ser encamên êrişê eşkere kir: “Li gorî amarên destpêkê herî kêm 8 şehîdên me hene û îhtimal heye ku ev amar zêdetir bibe. Hejmarek birîndar jî hene lê ji ber ku agir didome amar bi awayekî hûr ne diyar in.” Li gorî agahiyên ku wî berpirsê Komeleya Şoreşger a Zehmetkêşên Kurdistana Îranê dane Rûdawê, 3 mûşek li wê baregehê ketine ku şehîd lê hene û 3 mûşekên din jî li heman herêmê ketine. Heta amadekirina vê nûçeyê, hewldanên ji bo vemirandina wî agirê ku ji ber êrişê derketiye didomin.

 Destê sibehê bi zêdetirî 5 dron û mûşekan êrişî Hewlêra paytexta Herêma Kurdistanê hat kirin. Li gorî wan vîdeoyên ku welatiyan ji Rûdawê re şandine, êriş li asman hatiye têkbirin. Heta niha bi awayekî fermî ti zerer nehatine diyarkirin. Li Helebceyê 5 teqîn çêbûn Nûçegihana Rûdawê ya Helebceyê Sazgar Selahê diyar kir ku li derdora Helebceyê dengê 5 teqînan hatiye bihîstin. Sedema teqînan bi awayekî fermî nehatiye eşkerekirin lê tê gotin ku êrişên bi dronan in. Li Silêmaniyê kampa partiyan bû armanc Birêvebirê Maseya Îngilîzî ya Tora Medyayî ya Rûdawê Fazil Hewramî beşdarî bultena Nûrojê bû li ser êrişan agahî dan Warşîn Salihê. Fazil Hewramî ragihand ku li Zirgiwêzê, agir bi nêzîkî kampa partiyên Rojhilatê Kurdistanê ketiye û îhtimal heye ku ew der hatibe bombebarankirin. Hewramî her wiha anî ziman ku li rojhilatê bajarê Silêmaniyê dengê teqînan hatiye bihîstin. Li gorî agahiyan, armanca êrişên bi dronan ne bajarê Silêmaniyê bûye, kamp û baregehên partiyên Rojhilatê Kurdistanê bûne armanc. Welatiyên ji Silêmanî, Helebceyê û devera Şarezorê vîdeo û agahî ji Rûdawê re şandin. Welatiyan da zanîn ku di demên cuda de dengê zêdetirî 5 teqînan bihîstine.

Bi fermî ji Partiya Demokrat a Kurdistanê (PDK) hat xwestin ku vegere îdareya parêzgeha Kerkûkê û endamên wê beşdarî rûniştinên meclisa parêzgehê bibin. Berpirsekî PDKyê jî li ser mijarê got, “Beriya vegerê em dixwazin zanibin çi li pêşiya me ye.” “Heta niha Serok Barzanî biryar nedaye” Parlamentera serdema pêncem a Îraqê ya bazneya Kerkûkê ya fraksiyona PDKyê Necwe Kakeyiyê li ser mijarê ji Rûdawê re axivî. Necwe Kakeyiyê da zanîn ku hikûmeta Elî Falih Zeydî bi fermî ji Serok Mesûd Barzanî xwestiye ku PDK û fraksiyona wê vegerin îdare û Meclisa Parêzgeha Kerkûkê “lê heta niha Serok Barzanî biryar nedaye.” PDK ji şêweyê hilbijartinê ne razî bû Di hilbijartinên meclisên parêzgehan ên Îraqê yên 2023yan de, PDKyê 2 kursiyên Meclisa Parêzgeha Kerkûkê bi dest xistin. Lê heta niha endamên wê beşdarî rûniştinên meclisê nebûne çimkî PDK ji şêweyê hilbijartina parêzgar û serokê meclisê ne razî bû. 10ê Çiriya Pêşîn a 2024an, bêyî beşdariya PDK, Eniya Tirkmenan û beşeke Erebên Meclisa Parêzgeha Kerkûkê li Otêla Reşîdê ya li Bexdayê civiyan. Di wê civînê de parêzgar û serokê Meclisa Parêzgeha Kerkûkê hatin hilbijartin. Necwe Kakeyiyê her wiha got, “Dibe ku PDK van rojan biryara xwe bide.” Di heman demê de Berpirsê Şaxa 3yem ê PDKyê yê Kerkûkê Sîrwan Seyîd Asî jî ji Tora Medyayî ya Rûdawê re axivî. Sîrwan Seyîd Asî ragihand, “Serokatiya Meclisa Parêzgehê ji me xwestiye ku em vegerin lê me xwestiye mîkanîzma wê bê diyarkirin û divê em bizanibin çi li pêşiya me ye.” Sîrwan Seyîd Asî her wiha destnîşan kir, “Înîsiyatîvek heye lê heta niha PDKyê bersiva dawî nedaye.”

Şanda DEMê ya Îmralî serdana serokê MHPê Devlet Bahçelî kir. Her çiqas bal li ser amadekariyên qanûna çarçoveyî ya ku…

Têkiliya yekem derbarê pêşnûmeya qanûna çarçoveyî de ku di çarçoveya pêvajoya “Tirkiyeya Bê Teror” de hatiye amadekirin, pêk hat. Text…

 Serokwezîrê Iraqê Elî Zeydî bi tundî êrîşa dronî ya li ser asmanê Hewlêrê şermezar kir û ragihand, ev cure êrîş…

Bi çendîn dronên bombebarkirî êrişî parêzgeha Hewlêrê ya Başûrê Kurdistanê hat kirin. Li gorî agahiyên destpêkê, di êrişan de ti zererên canî çênebûne. Yekem êriş şevîdin demjimêr 20:55an hat kirin û hat têkbirin. Paşmayên dronên teqandî li ser Cadeya 150 Metrî ya Hewlêrê û çend taxên din ketin. Di vê êrişê de tenê zererên madî çêbûn û heta niha ti agahiyên li ser mirin an jî birîndarbûnan nehatine ragihandin. Li ser cadeyeke Hewlêrê parçeyekî dronê li otomobîlekê ket. Li gorî vîdeo û şahidên li cihê bûyerê, di vê qezayê de jî tenê zererên madî çêbûne. Saet 21:20an ducare dron ber bi Hewlêrê ve hatin şandin û hêzên ewlehiyê li cihê bûyeran dest bi lêkolînan kir û parçeyên dronên têkbirî kom dikin.

Partiya Azadiya Kurdistanê (PAK) ragihand ku Îranê serê vê sibehê sisê dronan êrişî yekê ji baregehên wan ên leşkerî kiriye. Piştî operasyonên nû yên Amerîkayê yên li nav Îranê, di navbera Tehran û Washingtonê de alozî pirtir bûye. Baskê leşkerî yê PAKê di daxuyaniyeke xwe de diyar kir: “Rejîma Îranê li ser hev sisê êrişên bi dronan birin ser baregeha Pêşmergeyan a Artêşa Niştimanî ya Kurdistanê.” PAKê li ser hebûn a nebûna zererên canî yan jî yên madî hîn ti agahî belav nekirine. Îranê heta niha berpirsyariya van êrişan negirtiye ser xwe. Tê zanîn ku PAK tenê li parêzgeha Hewlêrê çalak e. PAK û partiyên din ên mixalefeta Kurdên Rojhilatê Kurdistanê yên ku li Herêma Kurdistanê bi cih bûne, ji destpêka şer û vir ve bi sedan caran rastî êrişên bi dron û mûşekan hatine.

 Nêçîrvan Barzanî, Serokê Herêma Kurdistanê, li ser vexwendina Hevpeymaniya Birêvebirina Dewletê, li Bexdayê beşdarî civîna wê hevpeymaniyê kir. Di civînê…

Rojane di derbarê rêxistina PKKê û kesayetên di siyaseta PKKê ya legal de derketîn pêş û heta radeyekî gelek di…