Polîtîk

Rojane di derbarê rêxistina PKKê û kesayetên di siyaseta PKKê ya legal de derketîn pêş û heta radeyekî gelek di…

Nêçîrvan Barzanî, Serokê Herêma Kurdistanê, bi armanca beşdarbûna di civîna Hevpeymaniya Îdareya Dewletê de, li ser vexwendina wê hevpeymaniyê ber…

Parlemenerên Parlementoya Sûriye yên kurd li gel Wezîrê Perwerdeyê Mihemed Tirko li Şamê civiyan. Di civînê de rewşa perwerdeyê li…

Bûyerên dawî yên li Şaredariya Qoserê careke din şerên desthilatdariyê yên navxweyî di nav Partiya DEMê de ji raya giştî…

Nêçîrvan Barzanî, Serokê Herêma Kurdistanê, pêşwaziyê li Niccolò Fontana, Balyozê Îtalyayê li Iraqê û şandeke pê re kir. Di civînê…

Konsulê Giştî yê Îtalyayê yê Hewlêrê Tommaso Sansone, di merasîma pêşkêşkirina “Xelata Stêrka Îtalyayê” ya Serokê Herêma Kurdistanê Nêçîrvan Barzanî de axivî. Tommaso Sansone diyar kir ku Nêçîrvan Barzanî di xurtkirina pêwendiyên di navbera Îtalya û Îraq û Herêma Kurdistanê de roleke girîng lîstiye. Sansone di axaftina xwe de anî ziman ku ev nîşan ji aliyê Serokkomarê Îtalyayê ve, li ser pêşniyara Wezareta Karên Derve û nêrîna Konseya Nîşanê tê dayîn. Îtalya vê xelatê dide wan kesên bijarte yên ku di bipêşxistina dostanî û hevkariya di navbera Îtalya û welatên din de xwedî ked in. Rola sereke ya Nêçîrvan Barzanî Konsulê Îtalyayê destnîşan kir ku dayîna xelata herî bilind a Nêçîrvan Barzanî, ji ber erkên wî yên siyasî û hevkariya wî ya nêzîk a li gel Balyozxaneya Îtalyayê ya Bexdayê û Konsulxaneya Giştî ya Hewlêrê ye. Sansone bi bîr anî ku Barzanî çi di dema Serokwezîriya Herêma Kurdistanê de û çi jî di dema Serokatiya Herêma Kurdistanê de ji bo bipêşxistina pêwendiyên dualî kedeke mezin daye. Piştgiriya ji bo şirketên Îtalyayê Sansone eşkere kir ku piştî rûxandina rejîma Beasê, di vekirina bazarên Îraq û Herêma Kurdistanê de ji bo şirketên Îtalyayê Nêçîrvan Barzanî roleke girîng girtiye ser milê xwe. Her wiha wî piştgirî daye lidarxistina pêşangehên “Italy Expo” yên ku di navbera salên 2007-2010an de hatine lidarxistin. Sansone bal kişand ser pêvajoya bipêşketina nûnertiya dîplomatîk a Îtalyayê ya li Hewlêrê û got ku bi piştgiriya Nêçîrvan Barzanî sala 2011ê Ofîsa Balyozxaneya Îtalyayê li Hewlêrê hatiye vekirin. Ev nûnertî sala 2016an bûye Konsulxane û sala 2024an jî gihîştiye asta Konsulxaneya Giştî. Sansone ragihand ku li gorî fermanên Nêçîrvan Barzanî û bi hevkariya saziyên Herêma Kurdistanê, piştgiriya pêwîst ji bo hêzên leşkerî yên Îtalyayê hatiye kirin. Her wiha piştgirî hatiye dayîn ji bo 12 tîmên şûnwariyê yên Îtalyayê ku li herêmê dixebitin.

Nêçîrvan Barzanî, Serokê Herêma Kurdistanê, pêşwaziyê li cenabê Mar Pawlosê Sêyem Nona, Patriyarkê Dêra Kildanî li Iraqê û cîhanê kir.Di…

Dibe ku 73 parlamenter ber bi partiya nû ya Özel ve biçin; hejmara parlamenterên ku ji partiyê derdikevin dikare CHP…

Encûmena Niştîmanî ya Kurd teqîna Şamê şermezar kir û da zanîn ku ew êrîş hewlek e ji bo tevlîhevkirina aştiya…

Di encama pevçûna desteyek ji pêşmergeyên Navenda Teşkîlata Nihênî ya Hizba Dêmokrat ligel hêzên dijî-gelî ên Komara Îslamî li herêma…

Serokê Herêma Kurdistanê Nêçîrvan Barzanî bi awayekî fermî ji bo merasîma binaxkirina termê rêberê berê yê Komara Îslamî ya Îranê hat vexwendin. Tê payîn ku Nêçîrvan Barzanî roja înê li Taranê bi berpirsên bilind ên wî welatî re çend civînan bike. Berpirsê Nûnertiya Partiya Demokrat a Kurdistanê (PDK) yê Taranê Ebdullah Akreyî Rûdawê re axivî û got: “Serokê Herêma Kurdistanê Nêçîrvan Barzanî ji aliyê Serokkomarê Îranê Mesûd Pizîşkiyan ve bi awayekî fermî hatiye vexwendin da ku beşdarî merasîma binaxkirina Elî Xaminêyî bibe.” Elî Xaminêyî 28ê Sibata 2026an di encama êrişa Îsraîlê ya li ser Taranê de hatibû kuştin. Ebdula Akreyî da zanîn ku merasîm roja 3yê vê mehê înê saet 14:00an tê lidarxistin û Nêçîrvan Barzanî ev vexwendin qebûl kiriye û dê roja înê li Taranê be. Hevdîtinên li Taranê Berpirsê Nûnertiya PDKyê yê Taranê ragihand ku dê Nêçîrvan Barzanî di çarçoveya merasîmê de bi berpirsên bilind ên wî welatî re bicive. Li gorî gotina wî, Nêçîrvan Barzanî dê bi Serokkomarê Îranê, Serokê Parlamentoyê, Wezîrê Karên Derve û Serokê Encumena Bilind a Ewlehiya Niştimanî re hevdîtinan bike. Vexwendina ji bo serkirdeyên Kurd Ajansa Nûçeyan a Îsnayê jî belav kir ku Serokkomarê Îranê Mesûd Pizîşkiyan bi awayekî fermî Serok Mesûd Barzanî, Serokê Herêma Kurdistanê Nêçîrvan Barzanî û Serokwezîrê Herêma Kurdistanê Mesrûr Barzanî vexwendine merasîma ji bo Xaminêyî. Li gorî ajansê, Nêçîrvan Barzanî wekî nûnerê Serok Mesûd Barzanî dê serokatiya şandeyeke bilind a berpirsên Herêma Kurdistanê bike. Nêçîrvan Barzanî dê 3yê Tîrmehê ji bo beşdarbûna vê merasîmê Taranê ziyaret bike û peyama wan a taybet bide Serokkomarê Îranê. Ziyaretên berê yên Nêçîrvan Barzanî Ziyareta dawî ya Serokê Herêma Kurdistanê Nêçîrvan Barzanî ya Îranê 17ê Gulana 2025an bû. Ew ji bo beşdarbûna “Foruma Diyalogê ya Taranê” çûbû wê derê. Roja pişt re di paneleke taybet a forumê de axivî û gelek mijarên girêdayî herêmê nirxand. Yek ji wan mijaran jî pêwendiya “dîrokî” ya di navbera Herêma Kurdistanê û Komara Îslamî ya Îranê de bû. Her wiha ew 30ê Tîrmeha 2024an li Taranê beşdarî merasîma sondxwarina Serokkomarê niha yê Îranê Mesûd Pizîşkiyan bûbû. Beriya wê jî destpêka Tebaxa 2021ê tevlî merasîma sondxwarina Serokkomarê berê yê Îranê Îbrahîm Reîsî bûbû.

Serok Barzanî û Serokê Serokê Dezgeha Îstixbarata Tirkiye (MÎT) ya tekezî li ser pêşxistina peywendiyan û hevahengiya di navbera Herêma…

Serokê Yekîtiya Niştimanî ya Kurdistanê (YNK) Bafil Talebanî û Serokê Îstixbarata Tirkiyeyê (MÎT) Îbrahîm Kalin civiyan. Di civînê de pêwendiyên dualî, aramiya herêmê û mijara pêvajoya çareseriyê hatin gotûbêjkirin. Serokê MÎTê Îbrahîm Kalin di çarçoveya serdanên xwe yên li Herêma Kurdistanê de li devera Debaşanê ya Silêmaniyê ya Başûrê Kurdistanê bi Serokê YNKyê Bafil Talebanî re hevdîtinek pêk anî. Li gorî daxuyaniya YNKyê ya li ser civînê, di hevdîtinê de pêşhatên dawî yên li Îraq û Herêma Kurdistanê hatin nirxandin û bal kişandin ser giringiya parastina aramiya herêmê. Yek ji mijarên sereke yên civînê pêvajoya çareseriyê bû. Li gorî nûçeya medyaya YNKyê, Bafil Talebanî di civînê de behsa pêvajoya çareseriyê kir û anî ziman: “Ji bo gihîştina aştiyeke berfireh ku xizmeta ewlehî û aramiya hemû Rojhilata Navîn bike û ji bo serdestkirina çanda bihevrejiyanê, em dê heta ku ev gava giring û dîrokî bi ser bikeve di xeta Serok Mam Celal de hewlên xwe bidomînin.” Di dawiya civînê de her du aliyan li ser wê yekê li hev kir ku li ser bingeha parastina berjewendiyên bilind pêwendiyên dualî bêhtir werin bipêşxistin.

 Serokê Komîsyona Bilind a Hilbijartinan a Sûriyeyê navên endamên nû yên Meclisa Gel (parlamen) ragihandin. Li gorî daxuyaniyê, Serokkomarê Sûriyeyê…

Fermandariya Navendî ya Hêzên Amerîkayê (CENTCOM) îro (Duşem, 29ê Hezîrana 2026ê) di daxuyaniyekê de bal kişand ser wê yekê ku…