Dijminatiya kurd bi kurd ne li berjewendiya kurdan e

Eve nêzî mehekê ye ku alîgirên BDP ê li Bakurê Kurdistanê li dijî  PDK ê û Barzaniyan êrîşeke ku ji pîvan û ûsûlan bihuriye dimeşîne.

Beriya vê demekê li bajarê Mêrsînê û Stenbolê  jî hin alîgirên BDP ê bi pankarteke ku nayê qebûl kirin êrîşî rêzdar Serokê Herêma Kurdistanê Mesûd Barzanî kiribûn. Mixabin rêveberiya BDP ê li himber vê êrîşe tu helwest negirti bû.

Nuha jî li Amadê li ser navê ciwanên BDP ê bi  pankarteke êrîşkar ev helwesta bi awayekî tundtir berdewam dike.

Em van helwestana şermezar dikin û li dijî  berjewendiyên  miletê Kurd dibinin.

Ew şêweya ku ji aliye BDP yîyan tê bikaranîn, mixabin ne şêweya çareseriya pirsgirêkên  nava Kurdan e.Dijminatiyê kûr  dike.

PKK û BDP yî  eve demeke ew hendekên(Çal) ku di navbera başûr û başûrê rojavayê Kurdistanê hatine kolandin dikin  hecet û êrîşeke dijwar li dij PDK ê didomînin. Di eslê xwe de ev êrîş zerarê dide Dewleta Başûrê Kurdistanê.

Sedem  çi dibe bila bibe, mafê tu kesî tune ye ku dîsa bibe sedemê  birakujiyekê an dijmanatiyeke di nava kurdan de. Bi biryara Hukûmeta Başûrê Kurdistanê  eve çend sale li dora Hewlêrê û Kerkukê ev hendekana hatine kolandin.Û bi xêra van hendekana  him li dij êrîşên terorîstî û him jî li dij mihaweleyên dijminane yên Malîkî parastin û destkeftinên  berbiçav bi dest xistiye.

Ev hendekên di navbera başûr û başûrê rojava hatine kolandin jî beşek e ji pêwistiya parastina Dewleta Başûrê Kurdistanê ye û bi birayara Hükûmeta Başûrê Kurdistanê têne kolandin. Ev tedbîra ne li dij gelê me yê başûrê rojava hatiye stendin. Ev hidûda  ji bo kiryarên terorîstî  di bin xeteriyê de bû, ji ber vê yeke ev gav hatiye avêtin. Deriyekî resmî ji bo çûyin û hatinê ,di navbera başûr û başûrê rojava de vekirî ye.Û pêwistiyên başûrê rojava dikare di vî derîyî de bêne  çareser kirin. Hikûmeta Başûrê Kurdistanê jî divê bi her awayî piştgirî û alîkariya birayên me yên başûrê rojava bike. Her mafekî li başûrê rojava Kurd bidestbixînin, destkeftin û serkeftina hemû Kurdan e.

Parastina mafê serwerî û ewlekariya  Dewleta Başûrê Kurdistanê  ne bes wazîfeya başûriyan e,ew wazîfeya her Kurdekî ye jî. Û heger pirsgirêk di navbera PYD û PDK ê an Hikûmeta Başûrê Kurdistanê de he be jî,  ne bi ziman û helwesteke dijminane, lê bi giftûgoyan û bi rêyên aştiyane divê  bêne çareser kirin. Xêrnexwazên  miletê Kurd ji bo pirsa Kurdistanê bi îradeya azad a miletê me neyê  çareser kirin, bi her awayî plan û projeyan pêk tînin, dixwazin tevgerên Kurdan ji xeta neteweyî dûr bixin û wan bi hevbixin. Divê temama Kurdan jî hay ji van lîstikan hebin û pirsgirêkên xwe bi rêyên diyalogê û bi aqli selîm çareser bikin.

Em dibêjin bila hêzên neteweyî  yên her çar perçeyan  di vê derbarê de helwesteke yekgirtî bigirin û nehêlin ku dijminatî di nava milete me yê perçebûyî de  kûr bibe.Û em dibêjin  bila li başûrê rojavayê  Kurdistanê,PYD û partiyên din li gorî Rêkeftina Hewlêrê tevbigerin.Bila Desteya Bilind ya Kurd bibe xwedî desthilat û ji bo çarenivîsa rojavayê Kurdistanê bibe xwedî  biryar.Divê azadî û demokrasiya başûrê rojavayê Kurdistanê bi îrade û deste  hemû hêzên siyasî yên Kurdistanî bêne hûnadin.Yek rengî  ne li gorî berjewendiyên miletê me ye. Yekitiya neteweyî  û pirrengî, pirdengî  dê serkeftinê ji miletê me re bîne.

10.05.2014


Komîteya Rêveberiyê ya Hewldana Partiyeke Kurdistanî

 

Nêrînek

  1. Ev kesén van pankartén bi zimané Tirki hati nivisandin,ú dijatiya Serok ú Kurdén ba$úr dikin ,bé gumane ev kes yan ne Kurdin,ú ne jí nívkurdin,yan jí qorucíne,ku ewqasi bi hésani téne xapandiné bi leystok,ú derew,ú bihaneyén bé bingeh yén kurdén kemalist ú tevgera wan ya ergenkonci,ú militarist.Bila ev kes ba$ bizanin,ku ba$ur ,PDK-e Barzani kilíl ú garantiya hebúna Kurde,garantiya demokrasi ú yekitiya netewa Kurde,garantíya pévajoya a$itíyé li bakure,régiré hegemoni ú diktatoriyeta pyd-é li rojava ye.Édi bese ev xapandina Bdp-é ú hevalbendén wan.!!

  2. Ji ber Serokê xweyi xefiroş, kemalist, ergenekonci, MITci, fedî nakin bêaxlayita dikin. Serokê wan î 15000 xortê kurdan di nava PKK di qetil kiriyi. PYD ya herroj xortê kurd iskence dikin u dukujin. PYD ya ….. li ber deriyê Esedin. Serokê wan herroj dibêji ew li hember kurd u Kurdistan i. Kurdê xwe li wan ê Ergenekonci, kemalist u ……. turka u ê iranê bêdeng biminin !

Nerîna min :