Ev demek dirêje Berhem Salih cîgirê Celal Talebanî sekreterê giştiyê Yekêtiya Niştimaniya Kurdistanê (YNK) hemû çalakiyên xwe di nav wê partiyê de cemidandine û tu rol di nav wê partiyê de nalîze. Berhem Salih gelek caran gotiye ku, heta kongireyê ew tu rol û berpirsiyariyan di nav YNKê de wernagire. Gelek caran tê gotin ku, Berhem Salih, weke Newşêrwan Mistefa serokê Tevgera Goranê, amadekariya rêxistineke serbixwe dike û ji YNKê veqte.
Li dor vê yekê Sadî Pîre endamê seroaktiya YNKê di hevpeyvîneke xwe de digel rojnameya Sivîl dibêje ku, Berhem Salih kesekî zîreke û têdigehe rewş çewaye. Meseleya Goranê dem û rewşek din bû, rewşeke din ya civakî û êkonomî li Kurdistanê hebû, Berhem Salih ne Newşêrwan Mistefa ye.
Pîre dibêje ku, Berhem Salih gelek berpirsiyarî; serokwezîrê herêma Kurdistanê, cîgirê serokwezîrê Îraqê û posta wezîr wergiretine, ji vê zîdetir çi dixwaze?
