Sibeha Yekşemê li nêzîkî kampa Daraşakran li Çemşarê, êrîşeke bi dronan li ser baregeha Partiya Azadiya Kurdistanê (PAK) pêk hat. Berpirsekî partiyê got ku heşt Pêşmerge birîndar bûn.
Edîb Xaldîyan, endamê rêveberiya Partiya Azadiya Kurdistanê, ji RUDAW re got: “Di êrîşê de heşt Pêşmergeyên Artêşa Neteweyî ya Kurdistanê birîndar bûn.”
Xaldîyan got: “Çar ji Pêşmergeyan bi giranî birîndar in.”
Ev hêz gelek caran ji aliyê hêzên Komara Îslamî ya Îranê ve hatine bombebarankirin. Di êrîşên berê de du Pêşmerge şehîd bûn û 26 kesên din jî birîndar bûn.
Edîb Xaldîyan got: “Dronên çavdêriyê bi berdewamî baregehên me digerin û agahiyan berhev dikin.”
Ji destpêka şerê Amerîka-Îsraîlê bi Îranê re di 28ê Sibatê de, Herêma Kurdistanê ji aliyê nêzîkî 920 dronan û mûşekan ve hatiye bombebarankirin. Di encamê de, 30 şehîd û 148 birîndar bûn, ku 82 ji wan Pêşmergeyên partiyên Rojhilatê Kurdistanê ne.
