Stop PKK…

Ez ê di vê nivîsa xwe de bixwazim pêvîstiya minaqeşeya pirsgirêka çareseriya PKKê a bi terefê Kurdan ve giredayî û bi taybet jî erka ser milê Kurdên Bakûrê Kurdistanê bidim kirin. Îro herêmek ji welatê Kurdan, Başûrê Kurdistanê, ber bi dewletbûneke serbixwe ve diçe, hîmên pêşeroja serxwebûna Kurdistanê li wî beşî tê avêtin.

Divê ev, serbilindî û kama dilê her Kurdekî be, her Kurdek destê alîkarî û piştgiriyê dirêjî vî beşî bike da ku rojek berî rojekê Kurd çarenûsa xwe bi destê xwe binivîsin. Di demek wek îro de ku dagîrkerên Kurdistanê bi her şêweyî êrîşî Başûr dikin û dixwazin destkeftinên heyî ji holê rakin, mafê tu Kurdekî tuneye ku ve aramî û ahengîya heyî  ji bo berjewendîyên ol an herema xwe  tev bide. Serok û dezgehên Başûrê Kurdistanê jî divên li gor heqîqet û berjewendîyên Kurdistanê xizmetê bikin. Di avabûna her dewlet û dezgehekê de xeletî û kêmasî çêdibin.

Sazkirin û birêkûpêkbûna wê dewletê hewceyî bi zemanekî dûr û dirêj heye. Helbet divê ew xeletî yan kêmasîyên ku tên dîtin bi zimanekî brayetî û dostanî bên rexne kirin. Lê gava rexne ji rexnebûna xwe derket û bû çeka paraztina berjewendîyên heremî, wê demê sînorên rexnekirinê ji holê tên rakirin û dijminatî destpêdike. Ev jî xizmeta dijmin û xêrnexwazên Kurd û Kurdistanê ye. Ez bawer nakim (ji bilî serok û hin rayedarên PKKê) Kurdek rabe bêje:”Ez Kurdistaneke serbixwe yan jî federe naxwazim”. Di dilê her Kurdî de xewn û xeyala Kurdistana mezin û yekgirtî heye.

Lê şertan wisa kiriye ku em bixwazin û nexwazin, Kurdistan çar parçe ye, Kurd di welatên xwe de ji hev hatine tarûmar kirin. 4 heremên cuda û her yek ji wan dixwaze bi serê xwe bibe herema sereke. Gava em hejmara Kurdan bidin ser hev, Bakûrê kurdistanê beşê herî mezine. Gava em li gora hejmarê bilivin, hinek karin bêjin divê Bakûrî seperiştiya Kurda bikin.

Lê realîta heyî mirovan mecburî defactoya heyî dike ku, ew jî ew e go herêmek ji herêmên Kurdistanê azadiya xwe bidest xistiye. Divê em Kurd vê destkeftinê di qada navdewletî de baş bi kar bînin da ku herêmên din jî bi karibin wan destkeftina bi riyeke hiquqî texin rojeva cîhanê. Kurdê li herêmên ne azad kirî di vî warî de xwedî mafin. Lê wek me li jor jî behs kir, parçebûna Kurdistanê Kurd di her warî de tarûmar kirine. Ji ber vê jî, dive pencera ronahiya Başûrê Kurdistanê wek ronahiya çavan bê parastin. Û dive em ti ferqiyê nexin navbera netawa xwe. 

Çawa ku Serok Mistefa Barzanî di dema xwe de gotibû:” Çi kesê ku ruhê neteweparêzî pê re çênebûbe, wê rojek ji rojan îxanetê bi gelê xwe re bike” ev gotin ji bo îro û ji bo her demê jî derbas dibe. Îro pirsgirêka sereke ya di nav Kurda de, pirsgirêka PKKê û Kurdê dervayî  PKKê ye. Her çiqasî hebûna PKKê ya li Qendîl û deverê din jibo hikûmeta Kurdistanê jî serêşandinekê bi xwe re bîne jî, divê ji başûrîyan zêdetir em Kurdên bakur serê xwe bi vê pirsgirêkê re biêşînin. Di daxuyanî û helwestên hinek rayedarên PKKê de dixuye ku, alaqeyên herêma Kurdistan ye bi dagirkerên cîran re ew nerehet kirine.

Ger PKK karibe sebebê nerehetiya xwe li ser esasê Kurdayetî ji dewleta federe ya Kurdistanê re bîne ser zimên, ez  bahwerim wê wek dewlet, herêma Kurdistan jî bikaribe çareseriyekê ji nerehetiya PKK re bibîne. Ji xwe beyanên serokê Kurditanê yê di wî warî de pir zelalin. Serokê Kurdistanê di her firsendê de çareseriyê di riya diyalog û riyên bêçekî bûnê û demokratik de tîne ser zimên. Divê em bakûrî ji niha de zanibin ku, heger sibê yan dusiba Bakurê Kurdistanê azad bû, wê ev pirsgirêka PKKê li Bakur jî destpêbike. Pirsgirêka heyî pirsgirêka temamê Kurdistanê jî be, divê em Bakûrî ji îro de bi berpirsiyarî tev bigerin û xwedî siyasetek netewî bin. An na sibê emê jî bibin maruzê şîdeta PKKê. Û wê gavê emê jî têkevin rewşa ku niha li Başûr di navbera dagirkerên Kurdistanê û hemwelatiyê wede heyî derdikeve ortê.

Pirsgirêka çareseriya pirsgireka PKK û xwedîlêderketina wê, ne erka Başûr e. Heger li Başûr pirsgirêka tunekirina PKK hebe, erka pêşîn dikeve ser milên Bakûrîyan bixwe û divê ew li xwe û li deskeftiyên xwe xwedî derkevin. Divê di serî de PKK bi rêyên demokratîk li çareserîya vê pirsgirêkê bigere. Lê gava PKK wan destkeftinên Kurda bike qurbana şexs an herêmekê divê em Kurdên Bakur bi dengek bilind ne razîbûna xwe li himber helwstên PKKê yê ne di berjewendiya milletê Kurd biqîrin. Ew roj jî îro ye…. Bela PKK ji nû ve dest bi revandina zarokên me kiriye. Ji wê bone jî dive temamê Kurdan bi dengekî bilin biqîrin û bên edî bes e ji zilma PKKê re.

Nûrî Çelîk    

Nêrînek

  1. Bi Rez Nuri Ez nijanimki tu Hevalen Azadiyan Gele Kurdan e an ji An Dagerkeren li Kurdistane ye? Temam Sasitiye PKK ji cebune. negi ce nebune PKK ji veya beri herkesi Dibeji u leborina xwe ji bi dehan Caran ji Civaka Kurdistan ya ji Xwestiye. li nayeki we Mane Reya PKK Sase.Eger Em Kurd Iro Em Gihajtine Merhelake? Bi Girani Vaya bi Saya PKK eye.Wek Xwede Mere beje Seksiyeta PKK e Heri Seksiyeka Kahraman u Fedkarye Dike ji bo Azadiya gelen xwe.di Bin Serd u Surude Heri zahmeta Berxweda heri kahramani Kirine u Hin ji Diken.Pratika Wan li Orteye.Egi deri PKK e ji Xwera dibeji Em Serxwebunue bile Naye ser. Dikeve Zahmetya Doza berdide u Direve .Ez ji Veya re di Zindane Tirkan de bi Xwe bume Sahid.Sampatizan ki PKK bile di bin Iskence heri Girane Giyana Xwe ji Dest Dikde le Doze Berna de.Ez Rica Dikem Ci Hat deve ke Bira Nebeje bilsa Tisten hekaret u Reskirine.Selav u Rez ji Kurden Welat parezr e

  2. Ez fahm nakim jo bo ci wun serê xwe bi PKK diêşîne? Ya herî peşî fahm bikin ku armanca PKK tunekirina Kurd u Kurdistanê. MIT bi rêya Ocalan PKK cê kir. Ana PKK ji destê Turka derketiyi u ketiyi destê Iran/Suri.Ji bo wani tifaqa PKK bes bi dujminê Kurd u Kurdistanê heyi. CHP/MHP/Esed/Maliki/Iran (şerê Iranê nema dikin). Ji bo wanî bêaxlaxtîya dikin u herroj xeberê pis ji Birêz Barzani dikin, ji bo zanin ku Aramanca Pdk u Barzani Serxwebuna Kurdistanê. PKK=Ergenekon=Iran=Esed=Maliki=CHP=MHP. Sona wan xayînan wê yek u yek bên! BIJI KURD U KURDISTAN!

Nerîna min :