Serokwezîr pêşwazî li Balyozê nû yê Kuweytê li Iraqê kir

Serokwezîrê Herêma Kurdistanê Mesrûr Barzanî îro 30î Mijdara 2022an, pêşwazî li balyozê nû yê Kuweytê li Iraqê Tariq Ebdullah El-Ferec kir.

Di civînê de, Serokwezîr Mesrûr Barzanî pîrozbahî li destbikarbûna balyozê nû yê Kuweytê li Iraqê kir û hêviya serkeftinê di erkê wî de jê re xwast.

Her wiha di civînê de, gotûbêj li ser pêwendiyên dostane yên di navbera Herêma Kurdistanê û dewleta Kuweytê de hatin kirin û Serokwezîr Mesrûr Barzanî daxwaza pêşvebirina pêwendiyên di hemû waran de bi Kuweytê re dubare kir.

Balyozê Kuweytê avedanî û pêşkeftina  Kurdistanê bilind nirxand û amadehiya welatê xwe ji bo pêşvebirin û bihêzkirina pêwendiyên ligel Herêma Kurdistanê bi taybetî di warê veberhênan û bazirganiyê de nîşan da.

Bersiv :

Nêrîna te
Nav: