Şerefedîn Elçî li parlamentoya Kurdistanê hat pêşwazî kirin.

Şerefedîn Elçî li parlamentoya Kurdistanê hat pêşwazî kirin.

Îro sêşemiyê 02.08.2011ê li avahiya parlamentoya Kurdistanê, Kemal Kerkûkî serokê parlamentoya Kurdistanê pêşwazî li Şerefedîn Elçî, parlamenterê kurd li parlamnetoya Tirkiyeyê û şandeya pê re kir.

Şerefedîn Elçî û hevalên xwe, bi minasebeta wefata Hameîl xanê, hevjîna serokê netewî Barzaniyê nemir û dayîka serokê Kurdistanê Mesûd Barzanî, careke din sersaxiyên xwe pêşkeşî gelê Kurdistanê û serokê Kurdistanê kirin û got ku wefata Hemaîl xanê bi tenê ne xema serok Barzanî ye lê xema hemû kurdan û xelkê azadîxwaz û demokratîkxwaza e.

 Elçî ji serokê parlamentoya Kurdistanê re behsa rewşa bakûrê Kurdistanê bi taybetî û rewşa Tirkiyeyê bi giştî ya piştî hilbijartinan kir.

Kerkûkî jî di axavtina xwe de got ku piştî peyrewkirina siyaseta vebûna demokratîk li Tirkiyeyê gelek guhertin di siyaseta Tirkiyeyê de çêbûne û “pêwîste hemû alî zêdetir giringiyê bi wê siyasetê bidin û sûd ji wê derfetê werbigirin, çûnkî her bi tenê bi aşitî û diyalogê hemû pirsgirêk çareser dibin.”

Bersiv :

Nêrîna te
Nav: