PYD bi zorê keçên Rojavayê Kurdistanê çekdar dike

Hat îdîa kirin ku Partiya Yekîtiya Demokratîk (PYD) bi darê zorê keçên Rojavayê Kurdistanê çekdar dike û wan dibe nav rêzên xwe, hevwelatiyan jî hewara xwe gehandine Qendîlê.

Di vê derbarê de çavkaniyeke agahdar ji Rojavayê Kurdistanê ji BasNewsê re got: ‘’PYD bi darê zorê keçên Rojava çekdar dike û wan dibe nav rêzên xwe. Roja 19’ê vê mehê mifrezeyeke çend kesî ya PYD’ê, ku hemûyan dev û rûyên xwe pêçabûn bi ser gundê Rûbarya yê ser bi qezaya Dêrikê de girtin, piştî derxistina tirs û xofê li tevahiya avahiyê, çûn ser mala hevwelatî Sadiq Sebab ku alîgirekî Partiya Demokrata Kurdistan-Sûriyê ye, her ji bo sivikayetîkirina bi wê malbatê keçeke malê bi navê Emîna ku 22 salî ye derxistin derve û ew tehdît kirin ku eger neçe nav rêzên PYD’ê dê hemû malbata wê bikıjin û piştre jî wê dihetikînin.’‘

Li gor heman çavkaniyê, piştre di vegerê de herçar aliyên gundê Girkê Selman girtine û keçek bi navê Narîn Ehmeda 19 salî derxistine derve, bi heman awayî ew tehdît kirine û bi darê zorê birine nav hêzên xwe. Çavkaniya BasNewsê wiha axifî: ‘’Hevwelatî ji vê helwêsta PYD’ê gelekî nîgeran in û hinek ji rî spî û navdarên navçeyê nerazîbûna xwe gehandine Qendîlê, ku eger PYD li ser van karên xwe berdewam be û bi darê zorê keç û jinên wan bibe nav rêzên xwe neçar dibin ji bo parastina rûmet û kerameta xwe ji navçeyê derkevin.(Bas)

Nêrînek

  1. Ev Sere Kirej u Be bextiye en di Vava Kurdan de gelo we Kengi bi dawi Bibe? Her Tistek Ehlak u Pivan Heyi le mixabe di Nava Kurdande Sere Kireju Bibextiye di Nava Kurdan de Mixabe Tixu be Ehlak u Mirovatiye Derbaskiriye? gelo Ewe kengi Ev Sere Kirej we Wek tu Deremite di bin Esase Kurdan danxe Dewam dike we bi Dawi bibe .Ji Heleke Hinek Derdikeve Ji Xwera Dibeje ki Ji PKK ere Stop.Hinek Kaso xwe Welat Parez dibene u Diken Nuce .Yani li Diji PKK e Dikve Greve u Dibejii ki Bira PKK Zarokewe Bidin Me, u Eme Bisine Erkerya Tirkan U Kece xwe ji Reya Her dere Em Jera Vedike Bira Heren le Tene Bira nekev Nava Tevgera azadiye.Yani Be Bexi Derew u Reskirin li Du Hev te Dawi naye.

Nerîna min :