Polîtîk

Li Amedê çalakiya eşûreyê

Li Amedê ji aliyê Pir Sultan Abdal Kültür Derneği (PSAKD)ê ve çalakiya eşûreyê li ber Mala Cemê hate li darxistin.

Çalakî bi axaftina Serokê  PSAKDê yê Şaxê  Diyarbekirê  Cafer Koluman destpêbû. Girseyeke zêde beşdarî çalakiyê bibû.

Di vê çalakiyê de Serokê Giştî yê Partiya Azadiya Kurdistanê(PAK) Mustafa Özçelik,  Hevseroka  Şaredariya Amedê Gulten Kişanak, Cîhgira Serokê Giştî  yê HDPê  Meral Daniş Beştaş û Rêveberê Federasyona Komeleyên Êzidiyan li Elmanya Nedim Erkiş axaftin. Piştî axaftinan Pîrên Elewiyan Musa Karkin û Hidayet Ulugerçek gulbang  xwendin.

Serokê Giştî yê Partiya Azadiya Kurdistanê Mustafa Özçelik bi Kurdî axaftinek kir. Serokê PAKê di axaftina xwe de,behsa  neheqî û qetlîamên ku li Elewiyan hatiye kirin kir.Özçelik got ‘’ Bidestxistina maf û azadiyên  elewîyan yên bawermendiyê, armanceke  PAKê ya esasî ye’’  . Herweha Özçelik  got ‘’Ew siyaseta yek dewlet, yek milet, yek welat, yek alê ji aliyê rayedarên Dewleta Tirk ve wek siyaseta ‘yek ol, yek mezhep ’ jî hatiye domandin’’.  Özçelik got, ‘’ Îro çi elewî, çi sûnne, çi xiristiyan, çi êzidî , hemû  gelên Kurdistanê  , jibo Şingalê û Konabanê yekgirtineke xurt  pêkanîne û azadiya Kurd û Kurdistanê jî dê bi yekitiyeke rasteqîne ya neteweyî û Kurdistanî pêk were.’’ 09.11.2014

Buroya Çapemeniyê ya Partiya  Azadiya  Kurdistanê(PAK)

 

Back to top button