Serokê MHPê Devlet Bahçelî derbarê ji nû ve namzetiya Serokkomar Recep Tayyip Erdogan de formuleke balkêş ragihand. Bahçelî pêşniyar kir ku Meclîsa Mezin a Neteweyî ya Tirkiyeyê bi lihevkirinek berfireh biryar bide ku hilbijartin ji nû ve bên çêkirin û hilbijartin di sala 2028an de dîsa bên lidarxistin.
Serokê MHPê Devlet Bahçelî armancên partiya xwe ji bo hilbijartinên 2028an û nêzîkatiya xwe ya ji bo namzediya dubare ya Serokomar Erdogan eşkere kir. Bahçelî diyar kir ku divê Erdogan dîsa bibe namzed û destnîşan kir ku Meclîs dikare biryar bide ku di tarîxek guncaw de hilbijartinên nû li dar bixe. Wî armanca partiya xwe ji bo serdema nû bi gotinên “Erdogan di rêveberiyê de, MHP di yasadanînê de” anî ziman.
Serokê Partiya Tevgera Neteweperest (MHP), Devlet Bahçelî, di civîna koma partiya xwe de axivî.
Bahçelî diyar kir, “Ger Serokomarê me guncaw bibîne û Meclîsa Mezin a Neteweyî ya Tirkiyeyê îradeya xwe ya destûrî di vî warî de nîşan bide, xwestek û daxwaza me ew e ku namzedê Serokkomariyê yê Îtîfaqa Gel dîsa Birêz Recep Tayyip Erdogan be.”
Devlet Bahçelî, bi tekez kirina ku Tirkiye li hember nezelaliya cîhanî pêdivî bi îstîqrarê heye, rewşa siyasî ya ku ew ji bo 5 salên pêş de xeyal dike bi formula xwe wiha da xûyakirin.
“Ez formula siyasî ya ji bo serdema 5 salan ku dê şahidiya bilindbûna Tirkiyeyê bike wiha diyar dikim; Erdogan di rêveberiyê de, Partiya Tevgera Neteweperest di meclîsê de, Îtîfaqa Gel li Tirkiyeyê û sedsala Tirkiyeyê li cîhanê. Ev formul îfadeya stratejiya me û armanca me ya ku em bibin hêzek cîhanî ye, di derbarê hewcedariya meclîsek bihêz, çavdêr û berhemdar û her weha meclîsek rêveber a bihêz de. Di serdemek ku cîhan di nav nezelaliyê de tê kaşkirin, tiştê ku Tirkiye pêdivî bi îstîqrarê heye.”
