Darvekirina efserê berê Nîdal Malik Hesen, ku di sala 2009an de li baregeha leşkerî ya Fort Hood li Dewletên Yekbûyî yên Amerîkayê 13 kes kuşt û tê plankirin ku bi gulebaranê were idam kirin û ev yek dê vekirî li berçavê xelkê werê kirin.
Bi vî awayê idamkirina dawî ya giştî li Dewletên Yekbûyî yên Amerîkayê di sala 1936an de bû. Wê demê, Rainey Bethea, zilamekî reşik ku bi sûcê tecawiza jineke spî li Kentucky hatibû mehkûmkirin, hate idam kirin.
Wezîrê Parastinê yê Dewletên Yekbûyî yên Amerîkayê Pete Hegseth di axaftina xwe de bi Real America’s Voice re got ku her kes dê bikaribe temaşekirina darvekirina Hesen bike: “Em ê piştrast bikin ku mirov dikarin temaşe bikin. Ew ê bi eşkereyî be. Ji ber ku divê mirov fêm bikin ku ev cureyê tawanan encamên cidî li gel xwe tînin”
Leşkerê dawî ku bi gulebaranê di Artêşa Dewletên Yekbûyî yên Amerîkayê de di sala 1945an de hate darvekirin, leşkerê resmî Eddie Slovik bû, ku di dema Şerê Cîhanê yê Duyemîn de reviya.
Nîdal Malik Hesen
Tê payîn ku Hesen, psîkiyatrîstekî berê yê artêşê, di 3yê Kanûnê de were darvekirin. Êrîşa wî ya di Mijdara 2009an de jî 32 kes birîndar kirin. Dadweriya leşkerî cezayê darvekirinê li vî zilamî birîbû.
Di 5ê Cotmehê de, Wezareta Parastinê ya Dewletên Yekbûyî yên Amerîkayê (Pentagon) ragihand ku Serokê Dewletên Yekbûyî yên Amerîkayê Donald Trump idamkirina Nîdal Malik Hasan bi gulebaranê erê kiriye.
