Divê dewletên cîhanê rê li ber darvekirinên dewleta Îranê bigirin
Li Îranê 11 Kurdên din jî bi cezaya îdamê hatin mehkûm kirin.Û ev cezaya di nava çend rojan de dê were tetbîq kirin.
Rejîma Îranê di van çend salên dawiyê de, bi sedan Kurd darve kirine. Û Îran van darvekirnan bi bê perwa lidardixe; ne hesabê tu pîvanên mirovayetiyê , ne jî yên hiqûqa nevneteweyî dike.
Mixabin û heyf e ku, van darvekirinan li ber çavên temama dinyê lidardikeve. Li Îranê mirov ji ber nasnameya xwe ya siyasî, ya etnîkî, ya ramanî û jiber şêweyê jiyana xwe têne îdam kirin. Baş e, çi ferqa wan kesên jiber van nasnameyên xwe ji aliyê DAIŞê ve têne qetil kirin, têne serjêkirin û yên ji aliyê dewleta Îranê ve têne darvekirin he ye?
Çawa ku em nikarin bêjin wan qetlîamên DAIŞê ‘’karekî navxweyî yê ‘’, herweha em divê nebêjin ‘’van darvekirinên Îranê karekî navxweyî yê Îranê ye’’. Yekitiya Neteweyan, Yekitiya Ewrûpa û raya giştî ya navneteweyî, wê hesasiyeta ku jibo Şingal û Kobanê nîşan dane, divê jibo darvekirinên dewleta Îranê jî nîşan bidin. Divê rê liber van darvekirinan bêne girtin. Divê dewletên misilman jî helwesteke mirovî û îslamî li hember van darvekirinên dewleta Îranê danin.
Divê helwesteke tûnd û encamwergir ji aliyê dewletên cîhanê ve bê danîn.
Hemû Kurdên cîhanê û hemû mirovên ku wîcdanê xwe yên miroyetiyê parastiye, divê hêza xwe li hember darvekirinên Dewleta Îslamî ya Îranê bikin yek.
Divê mafê jiyanê yê mirovayetiyê , nemîne ber destê bêperwayî û bêînsafiya dewletên ku ji hiqûqê û ji mafê mirovan para xwe nesitendine.
11.11.2014
Mustafa Özçelik
Serokê Partiya Azadiya Kurdistanê(PAK)