Ali Bulaç, misilmanên Tirk û Xwedê wijdanê bide wan

23/05/2011

Ali Bulaç rojnamevan û nivîskarek ji ola Tirk-Îslamê ye. Di Zamanê de quncika wî heye. Bi xwe Ereb e. Bimîne bi wî dinya mecbûr e zimanê Erebî bizanibe, heye tune Ereb in, lewra ola Îslamê ji Ereban hatiye. Ola Tirk-Îslamê jî bo wî, star e, xweparastin e. Statîstîkên şerê Ereb-Îsraelê daye lê xwe rezîl kiriye. Îsrael sed carî ji dewleta we baştir e. Cihû sed carî ji we baştir in. Lê tenê hûn fêhm nakin, lewra hûn dijminê Kurd û Kurdistanê ne. Bo viya hûn dikarin bibin ateîst jî, Budîst jî. Heya niha bi giştî 700 hezar Filistînî hatibin koçberkirin, tenê di 30 salan de 4 - 5 milyon Kurd hatine koçberkirin. Meseleya Kurdan giran e yan a Filistiniyan?

Nivîsarek xwe de behsa zalimiya Îsraelê dike. Statîstîkên şerê Ereb-Îsrael dide der.

Wiha dibêje:

– Ji sala 1948 ku Îsrael hatiye damezirandin heya niha 700 hezar Filistînî hatine koçberkirin. Ango Îsraelê bi darê zorê ev kesana ji axa xwe daye derxistin.

– Serokê saziya koçberên Cihû yê sala 1940ê gotiye “li ser vê xakê du gel zêde ne, Ereb divê werin derxistin”.

– Sala 1946ê de komkujiyek mezin hatiye lidarxistin. Bi fermana Moşe Dayan Cihû dikevin gundek û 576 kesan dikujin.

– Di qetlîamek din de ku birêveberiya wê Menahem Begîn kiriye, 91 kes li Hotela Key Dawid de jiyana xwe jidest didin.

– Arîel Şaron sala 1953 60 kesan dide kujtin. Sala 1982 li Şatila ya Libnanê di ser de li dora 600 kesan ji herdu aliyan jiyana xwe jidest didin.

– 75 hezar xaniyên Filistiniyan hatine rûxandin. 17.836 dikanên Filistîniyan ziyan dîtiye yan hatine rûxandin.

– 359 dibistanên Filistiniyan ji şer ziyan dîtine.

– 21 mizgeft ziyan dîtine.

– 8.829 otomobîl ziyan dîtine.

– 200 hezar darên fêkiyan hatine rûxandin.

Bêînsafno, ev jî statîstîkên ku we misilmanan bi me kiriye ne:

– Di bernameya Enfalan de Saddam 200 hezar Kurd da windakirin, kujt.

– Çeka kîmyayî bikaranî û li Helebceyê genosîd kir, 5.000 mirov mirin.

– Di Terteleya Şêx Seîd de herî kêm 20 hezar Kurd hatin kujtin.

– Li Dêrsimê 70 yan 90 hezar Kurd.

– Li Geliyê Zîlan herî kêm 20 hezar.

– Tenê di şerê PKK û Romê de 40 hezar Kurd ku pirraniya wan sîvîl bûn jiyana xwe jidest dan.

– Bi statîstîkên fermî yên Romê 17.500 kes hatine windakirin.

– Bi statîstîkên fermî 3.500 gundên Kurdan hatiye rûxandin.

– Bi statîstîkên fermî zêdetirî 4 Milyon Kurd ji Kurdistanê hatine dûrxistin.

– Seranser daristanên Kurdistanê, bax û rez hatine rûxandin.

– Bi dehan mizgeftên Kurdistanê zîyan dîtine.

– Ê Filistiniyan 75 hezar xaniyan ziyan dîtine, ka hûn 3.500 gundan, kêm-zêde ji 50 xaniyan hesan bikin dike çi. Dike 175.000 xanî. Em behsa Dersimê, komkujiyên din bikin hejmar dibe bi milyonan.

– Zimanê Kurdî, dibistanên Kurdî, perwerdeya bi Kurdî bi tevayî hat qedexekirin. Îsraeliyan kengî Erebî qedexe kiriye? Kengî hebûna Filistiniyan înkar kiriye.

Em qet dirêj nekin. Em û hûn ne ji yek dînekê ne. Em misilman in, hûn Tirk-Îslam in. Em ne birayên olî ne.

Hûn derewkar in. Xwedê ji derewkaran hez nake.
Hûn li cem zaliman in, Xwedê ji zaliman hez nake.

Hûn ne misilman, Tirk-Îslam in. Ola we ji we re, ya me ji me re.

Îsrael sed carî ji we demokrattir e ji dewletên we. Cihû sed carî bi remhtir in ji we. Îsrael sed carî hûmanîsttir e ji we.

21ê gulanê 2011

Bavê Îsmaîl

(Nasname)

23/05/2011