Ala ya Kurdî Pêş 10 Salan û Evro


 

Lı pêş çend rojekî wezîrê derve yê Komara Turkîya Ahmet Dawûtoxlû seredana Herêma Kurdıstanê kır û dı evê seredanê de zîncîreyek kombûn lıgel rayadar û berpırsên partî û Hukûmet  û Serokê Herêma Kurdıstanê de kır.Bêguman dı evê seredanê de wezîrê derve bı tenê nebû.Şandeka mezın û qelebalıx jı wezîr û rayadarên mîrî û sîyasî û emnahî û bazırganî û ragıhandınê yên Komara Turkîya jî yawerîya wî dıkırın.

Seredanên weha pır babetî dı nava ewan dewletên xweş dost da rû dıdın ewên ku dı gelek bıwarande pêwîstî bı peymankırına berjewendîyên du alî hene.Ango dema du dewlet bawerîyê lı xwe û lı hevdu tînın ku,dı bıwarê aborî û sîyasî û wd de pêwîstî bı peymanên tendurustî û demdırêj hene,hıngê evan renge seredanan encam dıdın.Ev renge seredan deng vedıdın.Lewra bı şêweyekî gıştî pêngavên hevpışk yên cıddî û bı wate têne avêtın.

Heger mırov awırekî bıde ser dîroka helkeft û peywendîyên Tırk û Kurdan,heger dı evê sedsala derbasbûyî de mırov dagîrkarîya Turkîya ya lı ser Kurdıstanê û sîyaseta lı ser bıngehê înkarkırına Neteweya Kurd û kıryarên dewletê yên hovane lı ser dırêjîya evan sed salên rabırdû bîne ber çavên xwe û hızreka eqlane dı evê pêvajoya demdırêjde bıke gıranî û watedarîya seredana evê şandeya Komara Dewleta Turkîya hê baştır û rontır lı ber çavan tête raxıstın.

Bêguman ew tıştên lı Hewlêra paytexta Herêma Kurdıstanê lı gel şanda Turkîya hatıne gengeşekırın,ewên hatıne peyrewkırın,pêwîste mırov pır bı gırîngî werbıgre  û herweha têbınîyên xwe jî pır bı cıddî bı parîze.Lewra eve rûdaneka dîrokîye.Belê dı nava evan babetan hemîyande ya ku mın dıxwast bêjım tıştekî pır cudaye.Ya mın bîranîneke.Bîranînek ku hejîye mırov bo xwe bıke serbor  û ders û mefayê jê werbıgre.

Lı pêş 10 salan bû.Heta bêhtır jı deh salan derbasbûye.Şandekî me yê Bakura Kurdıstanê,şandekî sîyasetmedar seredana Herêma Kurdıstanê kırıbûn.Paş çend seredanên bı rêwıngî jı Bırahîmxelîl heta bı Hewlêra paytext,lı dûmahîkê lı Otêla “Bırc Erbîl”bıbûn mêvan.Dema bo bêhnvedanê maweyekî em lı eywana otêlê,lı pêşewazî yê em rûnıştıbûn,çavên me bı ala ya Kurdıstanê ket.Ala yek bıçûk lı ser mêza resepsîyonê lı ber sînga ewî karmendê otêlê bı şîşıkêve hatıbû hılawêstın.Lı ser ewê alayê dı navbera me de sohbetek çêbû. Her yek jı me  derbarey cıh û rewşa ala ya resepsîyonê de nerîn û şîroveyên cuda cuda hebûn.Dema em rabûn ser xwe em hemî ber bı pêşewazîya otêlêve çûn û yek jı ewê şandeya sîyasî ya Bakura Kurdıstanê lı gel ewî karmendê pêşewazî yê gengeşeyek  lı ser ala yê destpêkır.

Lı şûna evê ala ya bıçûk ya lı resepsîyonê,pêwîst û fer dîtın ku ala yek mezın derxînın lı ser banê otêlê hılawêsın û heta ew jî têr nakı,pêwıste heta dergehê gumruka Brahîmxelîl jî pêwîste ku bı alayên Kurdıstanê bêne xemılandın.Bı taybetî jî lı cıhekî wesa û alayek mezın û lı cıhekî bılınd be ku lı rexê Sılopîyê jî leşkerên Turkîya bıbînın.Danîna lı pêşewazîya otêlê herwekî kêmasîyeka mezın û newêrekî bo wan dı helsengandın herwekî ew belengaz ne karmendekî otêlê,belê herwekî xwedanê hemî Kurdıstanê bû.

Rabû ewî karmendî bı zımanekî rêzdarî ev bersıva han dayê û got “Mam,hêşta Kurdıstana me savaye,em nıkarın wê bıkın ewa cenabê te dı bêjıt,lewra dewleta Turkîya qebûl nake û rêkê nade me û em jî neşênê.Belê bêhna xwe fıreh bıke,evro me ala yek bıçûk ya Kurdıstanê danîye resepsîyona otêlê.Sıbehî emê derxın derve,rojeka dî emê danın ser banê otêlê û pêve herın heta gumruka Bırehîmxelîl û mezın jî bıkın”.Gelek keyfa mın bı ewî karmendî hat û dı nava dılê xwe de û bı awırên xwe mın gotê “ser û zımanê te xweş bın”.

Raste pırs cehalet bû,belê bersıv watedar û pırî serbor û sıyaset bû.Dûrbînîya hêz û wateya ewê bersıvê evro pır zelal derdıkeve navê û dıkeve nava rûpelên dîrokê.Jıber evê têgehıştınê,dema dı tv yan de mın dîmenên Serokê Herêma Kurdıstanê M.Barzaanî û Wezîrê Derve yê Turkîya A.Dawûtoxlû dît ku lı pışt wan ala yên Iraq,Turkîya û Kurdıstanê hatıne hılawêstın û Wezîrê Turkîya lı bın ala ya Kurdıstanê dı axıve,ez pır hestîyar bûm û paşeroj û pêşeroja Kurdıstanê bı hemî tehlî û şêrînîya xwe ve wekî rêzefîlmekî lı ber çavên mın derbas bû.Lı pêş 10 salan dewleta Turkîya tehemula ewê ala ya bıçûk ya lı ser pêşewazîya Otela “Bırc Erbîl”re nebû,evro lı bın wê û bı spasî pesnê Serok Barzanî dıde.

Ew ala ya Komara Mahabadê ku Qadî Mıhemed emanetî Serok Mıstefa Barzanî kırıbû û lı dadhehên dıjmın gotıbû “mın ew ala teslîmî mırovekî wesa kırî ku,ew ala dê welat welat,çîya û çîya…dê bıgere û heta ku rojekê bête hılawêstın ku hıngê destên yên wekî te nıkarıbın wê daxın”.Aha evro jı Bırahîmxelîl ta bı Bexdayê ew ala bı şêweyekî fermî hatî hılawêstın û dı warê navneteweyî de jî tê pejırandın.Evro ala ya Kurdıstanê Lı Hewlêr ê û lı meqerê Serokê Herêmê lı ser serê wezîrê Turkîya lı ba dıbe,dûr nîne ku sıbehî lı Enqere,lı parleman û lı koşka çankaya ya serokkomarê Turkîya jî lı ba bıbe!

 

08.11. 2009

Selîm Gıresorî

Nerîna min :