Wezîrê navxwe pêşwazî li heyeteke Amerîkî kir

Kerîm Şingalî wezîrê navxwe yê hikûmeta herêma Kurdistanê li dîwana wezareta xwe pêşwazî li general Baskrotî fermandarê hêzên Amerîkayê yên li bakûrê Îraqê û Vander Pol nûnerê wezareta derveya Amerîkayê li Bexda û Alex Askirîs nûnerê wezareta derveya Amerîkayê li Hewlêrê kir.

Di dîdarekê de peywendiyên navbera her du aliyan û xurtkirina wan têkeliyan, zêdekirina hevkarî û hevahengiyê, fêdewergirtin ji tecrûbe û pisporiya di warê pêşxistina sîstema emnî li herêma Kurdistanê hatin minaqeşe kirin.

Wezîrê navxwe yê herêma Kurdistanê xurtkirina têkeliyan bi pêwîstî zanî û got ku ew qonaxa îro herêma Kurdistanê tê de derbas dibe qonaxa avadankirin û binyatdanana saziyên herêma Kurdistanê ye û hikûmeta amerîkî dikare hevkareke giring be û xizmetên ber bi çav pêşkeşî herêma Kurdistanê bike.

Pêşhatên siyasiyên herêma Kurdistanê û Îraqê hatin behis kirin û şandeya mêvan li hember wan pêşkeftin û avadaniya li herêma Kurdistanê heye kêfxweşiya xwe nîşan da û got ku ew yek hemû ji sedemê aramî û îstîqrara herêma Kurdistanê bi detve hatine.

Nerîna min :