Wezîrê Berevaniya Amerîkayê Robert Gates gihişte Hewlêrê

Wezîrê Berevaniya Dewletên Yekbûyî yên Amerîkayê Robert Gates gihişte paytexta herêma Kurdistanê Hewlêrê.

Gates, îro, li balafirgeha navnetewî ya Hewlêrê ji bal berpirsê fermangeha têkiliyên derve Felah Mistefa û wezîrê pêşmerge yê herêma Kurdistanê Caefer Mistefa hat pêşwazî kirin.

Piştre, Gates ji bal serokê herêma Kurdistanê Mesûd Barzanî, serokê parlamentoya Kurdistanê Kemal Kerkûkî û serokwezîrê herêma Kurdistanê Berhem Salih va hate bixêrhînan. Li gorî peyamnêrê AKnewsê, biryar e, piştî bîsteke din li Hewlêrê, Robert Gates digel Barzanî bicive û rewşa navçeyê gotûbêj bikin.

Tê zanîn serdana Robert Gates îro jî bi dawî tê.

Nûçeya peywendîdar:

https://rojevakurd.com/cihan/7212-Robert-Gates-wezr-parastin-DYAy-die-Hewlr.html