Li gor Rapora Avhewaya Ewropa ya sala 2022an, a ku ji alîyê Navenda Çavdêrîya Ewropî ya ji bo Derman û Hişberîyê (EMCDDA) hat weşandin, Tirkîye di warê bikaranîna narkotîkê de di nava 5 welatên herî pêş yên cîhanê de cîh digire.
Zêdebûna bikaranîna narkotîkê ya li Tirkîyê di rapora EMCDDA ya Ewropayê de cîh girt. Di raporê de bi daneyan hat diyarkirin ku bikaranîna metamfetamîna herî zêde di serdema dawîn de li Stenbol û Edene ya Tirkîyê zêde bûye.
Li gor raporê, di serdema desthilatdariya AKP de hem li cîhanê hem jî li Tirkîyê bikaranîna bonzaî û piştre jî madeyên narkotîkê yên sentetîk û kîmyewî bi awayekî berçav zêde bûye. Rapor bi awayekî grafîkî diyar dike ku bikaranîna metamfetamîn a ku berê li Çekya û Slovakyayê dihat dîtin, niha li Belçîka, Qibris, Rojhilatê Almanya, Spanya û Danîmarka, Fînlandiya, Lîtvanya, Norwêc û Tirkîye jî di nav de ye.
Hat diyarkirin ku Tirkîye di lêkolînên salên 2021 û 2022an de bi salan e bikaranîna amfetamîn û metamfetamîn zêde bûye û bûye yek ji welatên ku herî zêde tê bikaranîn.
Ji xeynî van, li gor daneyên Wezareta Karên Hundir a Tirkîyê, di nava 7 salên dawî de hijmara sûcdarên ku ji ber narkotîkê hatine girtin û mehkûmkirin ji 36 hezarî derketiye 128 hezarî. Li gor van daneyan girtî û mehkûmên tiryakê sê parên nifûsa girtîgehan pêk tînin.