Serokwezîr: Li dijî terorê em piştevaniyê li gelê Fransa dikin

Serokwezîrê Kurdistanê Nêçîrvan Barzanî di peyamekê de êrişa ser kovara Charlie Hebdo li paytexta Fransa Parîsê şermezar kir.

3 çekdaran bi çekên Reşaş êrişî avahiya wê rojnameyê kirin û gule berdan rojnamevan û karmendên di nava avahiyê de.

Polîsê Fransa derbarê bûyerê de eşkere kir ku di encama êrişê de 12 kes hatine kuştin û 10 jî birîndar bûne, ku 10 ji kuştiyan rojnamevan bûn û 2 jî polîs bûn.

Ev jî tekesta wê peyamê ye:

Êrişa îro li ser kovara Charlie Hebdo li paytexta Fransa Parîsê karekî terorîstî ye, ku ti hêncetek jê re nîne û em bi tundî şermezar dikin.

Ez bi navê Hikûmeta Herêma Kurdistanê serxweşiyê li malbat û nasên qurbaniyan dikim.

Li dijî terorê bi hemû awayekî em piştevaniyê li gelê Fransa dikin, wek çawa Fransa di şerê li dijî terorê de piştgîriya gelê Kurdistanê dike.

Nerîna min :