Îro danê sibê roja şemiyê 15.02.2025ê li bajarê Munchenê, birêz Nêçîrvan Barzanî Serokê Herêma Kurdistanê digel birêz Ese’d Şeybanî Wezîrê Derve yê Sûriyeyê civiya.
Di civînê da pêşhatên siyasî û ewlekarî li Sûriyeye û Iraqê û çawaniya bihêzkirina aramiya navçeyê, rewşa pêkhateyên Sûriyeyê û giringiya parastina mafên wan û misogerkirina beşdariya wan di paşeroja welat da gotûbêj kirin.
Serok Nêçîrvan Barzanî balkişand li ser giringiya parastina mafên gelê Kurd û hemû pêkhateyên li Sûriyeyê û giringiya bidestveanîna aştî û aramiyê û amaje bi wê yekê jî kir ku pêwîste hemû pirsgirêkan bi diyalog û têgihiştinê bên çareserkirin û kar ji bo paşerojeke aram bo hemû pêkhateyên Sûriyeyê bê kirin.
Birêz Şeybanî, ji aliyê xwe ve, tekezî li ser pabendbûna Sûriyeyê bi dabînkirina aramiyê û afrandina mercên guncaw ji bo diyaloga niştimanî dupat kir û, herwesa, tekezî li ser xwesteka Sûriyeyê ji bo bihêzkirina peywendiyên bi Iraq û Herêma Kurdistanê ra û bihêzkirina hevkariyên hevbeş ji bo çareserkirina alozî û kêşeyên heyî kir.
Rewşa herêmî û kêşeyên hevbeş û çawaniya hevkarîkirina di paşerojê da ji bo bidestxistina aramî û aştiya li navçê, mijarên din yên vê hevdîtinê bûn.
