Selvî: PKK wê di meha Nîsanê de kongreyekê li dar bixe û xwe fesih bike
Li ser banga Rêberê PKK’ê Abdullah Ocalan a ji bo danîna çekan, Komîteya Rêveber a PKK’ê got, “Em amade ne kongreya xwe li dar bixin.” Ji Rojnameya Hurriyetê Abdülkadir Selvi diyar kir ku PKK dê di meha Nîsanê de kongreya xwe li dar bixe.
Rêberê PKK’ê Abdullah Ocalan bang li rêxistina xwe kiribû ku dev ji çekan berde û pêşniyar kiribû ku kongreya xwe li dar bixin.
Li ser banga Ocalan, PKK’ê agirbest îlan kir û ragihand ku ji bo hilweşandina rêxistinê ew ê kongreya xwe li dar bêxin û herkesekî bala xwe daye wê roja werê.
Selvî dîroka pişt perdeyê eşkere kir
Ji Rojnameya Hurriyetê Abdulkadîr Selvî, têkildarî ‘Kongreya Partiyê’ ya ku di daxuyaniya Komîteya Rêveber a PKK’ê de tê gotin wê kengê bicive, Selvî îdîa kir ku kongreya PKK’ê wê di meha Nîsanê de bê lidarxistin.
Beşa têkildar a nivîsa Selvî ya bi sernavê “PKK di meha Nîsanê de kongreya xwe dicive” wiha ye:
Rêveberiya Kongreyê
Di daxuyaniya Qendîlê de tê xwestin ku Öcalan bi xwe kongreyê birêve bibe. Qendîl her tim ji cihê herî bilind destê xwe vedike. Ocalan herî baş dizane ku ev ne pêkan e. Lêbelê, dibe ku awayên cûda hene ku vê yekê bikin. Ya girîng ew e ku kongreya PKK’ê bicive û biryara danîna çekan bide û PKK jî xwe fesih bike.
Salname hatiye lezkirin
Li ser wê yekê ku PKK wê kengê kongreya xwe li dar bixe, ez ji pişt perdeyê bidim we. Piştî banga Ocalan 2-3 meh maweya şopandinê hate pêşbînîkirin. Nayê xwestin ku ev mijar zêde bê dirêjkirin. Ji ber ku di karên qenc de lezkirin lazim e. Her wiha ji ber ku di demên berê de ev pêvajo bi awayekî xwînî hatin sabotekirin, pêwîste ev pêvajo zêde neyên dirêjkirin. Ji ber ku ev herêm herêmek e ku mezintirîn servîsên îstîxbaratê yên cîhanê lê dimeşînin. Ti serwîseke îstixbaratê ku rêxistina terorê ya bi navê PKK’ê tê de nebûbe tune ye. Ji ber vê yekê, demjimêr tê bilez kirin ku di zûtirîn dem de encam bi dest bixin.
Kongre dê bicive
Tê payîn ku kongreya PKK’ê di meha Nîsanê de pêk were. Kongre dê bicive û biryara danîna çekan bide û PKK jî xwe fesih bike. Di kongreyê de îradeya Ocalan a ji bo hilweşandina PKK’ê û girtina biryara çekan tê derkeve holê. Li vir armanc ne xwarina tirî û ne lêdana rezvan e. Ne hêsan e; Em pirsgirêka ku 50 sal ji bo çareseriya Tirkiyeyê hatiye girtin çareser dikin.
