Polîtîk

Roja dawiyê ji serdana serokwezîr bo Tirkiyeyê

Di çarçoveyê beşdarçkirin di kar û çalakiyên Foruma Aborî ya Cîhanî li Stenbolê, îro êvarê roja sêşemiyê (05.06.2012) Nêçîrvan Barzanî serokwezîrê Kurdistanê û şandeya pê re beşdarî di resepsoyna ku, serokwezîrê Tirkiyeyê Receb Teyîb Erdogan li ser şerefa mezine berprisên şandeyên mêvanên Foruma Aborî ya Cîhanî li Stenbolê amade kiribû, kir.

Di vê merasimê de, serokwezîrê Tirkiyeyê li hember başdarîkirina herêma Kurdistanê di Foruma Aborî ya Cîhanî li Stenbolê kêfxweşiya xwe nîşan da û tekîd li ser giringiya beşdarîkirin û rola herêma Kurdistanê a di warê aborî û enerjiyê de kir.

Di çarçoveyê resepsoynê de, Nêçîrvan Barzanî bi gelek beşdarbûyên Foruma Aborî ya Cîhanî li Stenbolê, siyaaetvan, aborînas, akademîk, rojnamevan û mediyayê re hevdîtin pêkanîn û di wan hevdîtinan de rewşa aborî, rol û îmkanên herêma Kurdistanê di warê hilbirîn, dabînkirina enerjiyê û ciyê herêma Kurdistanê li ser nexşeya cîhanê a enerjiyê minaqeşekirin.

Nêçîrvan Barzanî di wan hevdîtinan de, ji mêvanan re behsa tecrûbeya herêma Kurdistanê a di warê geşkirina rewşa aborî û karkirin bi sektora taybet re kir û di axavtina xwe de tekîd li ser rola sektora taybet di pêşxistina aboriyê de kir.

Heyeta herêma Kurdistanê a bi serokatiya Nêçîrvan Barzanî ku, pêkhatibû ji Aşitî Hewramî wezîrê samanên xwezayî, Elî Sindî wezîrê pilandananê û Felah Mistefa berprisê têkeliyên derve, di çarçoveyê Foruma Aborî ya Cîhanî li Stenbolê, beşdarî di gele panel, semînar û minaqeşeyan de kir.

Back to top button