Li Îranê 6 kes hatin darvekirin

 
Kanala Prees Tv a Îranî nûçeyek belav kir û ragihand, ku îro di destpêka rojê de hukûmeta Îranê du kes bi tawanbariya endametîya rêxistina Mucahidînê Xelq li darvekirin.
 
Ajansa nûçeyên Mehr News a Îranî jî di vê derbarê de ragihand, ku ev herdu kes endamên rêxistina opozisiyona hukûmeta Îranê ya bi navê Mucahidînê Xelq bûn û guneha wan jî ew bû, ku wêne û dirûşmên rêxistina Mucahidînê Xelq di nav xelkê de belav kirine û herweha wêne û videyoyên xwepêşandanên piştî hilbijatinan belev kirine û li bingeha leşkerîya Eşref a Mucahidînê Xelq rahênan kirine.
 
Li gora nûçeya ajansa Mehr News navê yek ji wan kesan Cefer Kazimî ye û navê yê din jî Muhemed Elî Hac Axayî ye.
 
Ji alîyekî din ve hukûmeta Îranê 4 kesên din bi guneha destdirêjîya seksî li paytextê Îranê bajêrê Tehranê li darvekirin. Hukûmeta Îranê ev herçar kes bi destdirêjîya seksî bi ser jinekê û zarokekî de gunehbar kiribû.
 
 
Hêjayî gotinê ye, ku ji destpêka sala nû ve heta niha hukûmeta Îranê sizayê sêdaredanê bi ser bêtirî 60 kesan de bi cih kiriye.

Nerîna min :