Ji bîrkirin mirin e, em Helepçê tu carî ji bîr nakin!
Tevgera Yekîtiya Neteweyî ya Kurd (TEVKURD). bi hevkarên xwe (MESOP, DEMA NÛ, RİZGARÎ, ÇİRA) û bi HAKPAR-Şaxa Amedê û Însiyatîfa DÎCLE-FİRATÊ, bi munasebeta 22 emîn salvegera Jenosîda Kurd (Helepçê) civîna bîranîn û şermezariyê organîze dike.
Li vê gorê;
Roja 16-ê Adarê siet di 11.45-an de li ber AZC/Plazayê (Ofîsê/Amed) bi şîara “Ji bîrkirin mirin e, em Helepçê tu carî ji bîr nakin!” em ê bicivin û daxwiyaniyê bidin çapemeniyê.
Her weha em ê ji bo hemû şehîdên azadiyê û qurbaniyên Helepçê du deqîqe rawestandina rêzgirtinê bigrin, fatîha bixwînin, dîmen û sloganên bîranîn û şermezariyê hilgirin!
Heman rojê siet ji 13.00-an heta êvarê li Kolana Hunerê bi organîzekirina Komela Çira dê pêşanda slaytê, resim, afîş û axaftin werin amade kirin.
Em banga hevkarî û piştgiriyê li hemû Kurda û aktîvîstên mafê mirovan dikin!
15 Adar 2010-Diyarbekir
Navenda TEVKURD-ê
(Tevgera Yekîtiya Neteweyî ya Kurd)
