Ji %88 piştgiriyê li kandîdadkirina Nêçîrvan Barzanî dikin

Di rapirsiyekê da ku li hersê parêzgehên herêma Herêma Kurdistanê (Duhok, Hewlêr û Silêmaniyê) û Mûsil û Kerkûkê hatiye kirin, ji %88 ji xelkî wan wîlayetan piştevanîyê li berbijêrkirina Nêçîrvan Barzanî bo postê serokwezîrtiya herêma Kurdistanê dikin.

Rêxistina point ku, rêxistineke kurdistanî ya taybete bi rapirsî û vekolînên stiratejîke, ev rapirsiye encamdaye kut ê de; Ji % 76 ji beşdarbûyên raya wan hatiye wegirtin dibêjin: Nêçîrvan Barzanî şiyan hene hikûmeteka serkeftî birêve bibe.

Di bersiva pirseke din de  li dor rizgarkirina hikûmetê ji hizbatyê, ji %71 ji beşdaran gotiye ku ev çende di kabîneya 7 da na hête kirin.

Point 5 pirs ji beşdarbûyan kirine û di bersiva wan da xuya dibe ku, baweriya kurdistaniyan bi Nêçîrvan Barzanî ji berfirehiya cemawerê wî û şiyanên wî hatiye, bi taybetî di warên çareserkirina kirîzan û pirsgirêkên helawîstî mîna yên di navbera Hewlêr û Bexdayê da ku ji %43 ji wan weha dibînin dê ew bikare wan pirsgirêkan çareser bike.

Di pirsa pişkdarîkirina opozisyonê  di kabîneya 7ê da, ji %53 ji pişkdarên rapirsyê dibînin ku, Nêçîrvan Barzanî nikare  opozisyonê razî bike ku beşadarî hikûmetê bibin. Lê piraniya beşdarbûyan wisa difikirin  ku serokatiya kabîneya 7ê dê rewşa xizmetkarî û pêşkeftinan baştir bike û herwesa dê bikare wan sistiyên di kabîneya 6ê de hebûn serast bike.

Dihête zanîn ku,  1000 welatiyan ji bajarên Duhok, Hewlêr, Silêmanî, Kerkûk û Mûsilê bersiva pirsên  rapirsiya navborî da daye.

Bersiv :

Nêrîna te
Nav: