Rezoyê Osê di bîranîna duwemîn de

Rezoyê Osê, nivîskar, helbestvan û rexnevanê kurd di roja 10.10 1950 de li gundê Dekşûrî qeza Qamişlo hatiye dinyayê û di roja 4.3.2010 de li bajarê Qamişlo çû ber dilovaniya Xwedê û li goristana gundê Dekşûrî hate veşartin.

Ez xweş bawerim ko di vê bîranînê de wê giyanê Rezo di buhuştê de şa be. Bêgoman şabûna pakrewnê wî, wê bi çapkirin û weşandina pirtûka wî ya bi navê CIVÎNA PÊLAVAN be.
Ji bilî vê pirtûkê Rezo xwediyê pênc pirtûkên zarokan yên çapkirî ye:

1-Dîk-dîko

2-Libhinarê

3-Şengê û Pengê

4-Bavê Hepûn

5-Finda Şemal

Herweha bi sedan gotar, lêkolîn, rexne, çîrok, metelok, şano, helbest û hwd…. Bi zimanê kurdî û hin bi zimanî erebî ne, hîna destnivîs in, li benda berhevkirin û çapkirinê ne.

Civîna Pêlavan pirtûka pêşî ye, ji pênc pirtûkên ko hîna li benda çapkirinê ne li vê weşanxanê.
Civîna Pêlavan, pirtêkek ji 12 kurteçîrokan hatiye avakirin, ji weşanxaneya Lîs li bajarê Diyarbekê hatiye çapkirin û weşandin.

Naveroka pirtûkê:

1-Pêşgotin

2-Kurtenasnameya Rezoyê Osê

3-Pêçek

4-Bersivdan

5-Tizbihên Kehreman

6-Rotika Yadê Pîrê

7-Hêlîna Talankirî

8-Newala Xencerê

9-Civîna Pêlavan

10-Bibûre

11-Hespik

12-Keçên Pîrê

13-Ciwanî û Kalî

Gelek spas ji bo weşanxaneya Lîs, mamoste Lal û xebatkarên weşanxaneyê re. Bere destên wen sax bin ji bo karên weha pîroz.
Bi çapkirina van pirtûkan hûn pirtûkxaneya kurdî, çand û toreya kurdî dewlemen dikin. Emê çavnihêr û bendewarê derçûna berhemên Rezo yên li ber çapê bin.

Ez naxwazim di vê bîranînê ji wilo bihtir binivîsim, çiko Rezo hêjaye ko mirov di bîranînên wî de çiqas gotar û lêkolînan li ser kar û xebata wî di warê kurdayetî û toreya kurdî de binivîsîne, bêgoman her wê kêm be. Çiko karê ko Rezo di jiyanê xwe de kiriye hêja ye wan pesindanan ne.
Dawî, de bere çavên xwendevanên berhemên Rezo û hezkiriyên wî bi derçûna vê pirtûkê de, bi ronî bin.

Bere serê gelê Kurd, malbat, dost û heval, şagirt û xwendevanên nivîsandinên Rezo sax be.

Sedrehmet li giyanê wî yê pîroz be.

Samî Ehmed Namî

Stockholm. 4.3.2012

Nerîna min :