Gul: Zimanê dê mafek e
Neveroka serdana serokkomarê Tirkiye Abdullah Gul ya Diyarbekir di hinek waran de eşkere dibe. Dema Gul li Diyarbekir bû roja dawî ya sala 2010-ê taşta sibehî li gel berpirsên dezgehên sivîl yên Diyarbekir xwar. Li ser taştê gelek sohbet hatin kirin û hinek gazind ji Gul hatin kirin.
Li gora ku rojnama Taraf radigihîne, serokê odeya pişesazî û bazirganî ya Diyarbekirê Galip Ensarîoglu, di derbarê daxuyaniya konseya ewlekariya netewî de rexneyek kir û ji Gul re got: Birêz serokkomar, kurd doza dewletek cuda nakin, doza alak cuda jî nakin. Daxuyaniya Konseya ewlekariyê de behsa yek, dewlet, yek,al, yek ziman dike. Ev hat famkirin ku nenaskirina nasnama kurdiye. Em ji vê yekê ne rihetin. Tu pêwistiya daxuyaniyek bi vî awayî tunebû. Ev daxuyani dibe sedemê tundiyê, li Belçîka gelek zimanên cuda hene ji bo çi li Tirkiye tunebê.
Gul gelek bala xwe da gotinên Ensarioglu û li ba xwe nivîsadin. Dema Gul bersiva Ensarîoglu da got: Zimanê dê mafeke, wê ev maf bête dayîn.Lê divê di hinek tiştan de em ecelê nekin.
Herweha ji bo pêwendiyên navbera Kurdistana Başûr û Bakur de gelek pêşniyar ji Gul re hatin kirin. Daxwaz hate kirin ku, bila firokxaneyên leşkerî hemî li herêmê bibin yên sivîl.
