Polîtîk
Gul: Qanûna Vegeriyana Malê amadeye
Li gor nûçeyeke INTERNET HABER, Ebdula Gul serokomarê Tirkyeyê di dema serdana xwe de bo Almaniyayê di preskonferensekê de bang li çekdarên PKKê kir ku fêdey ji lêburdina giştê werbigirin û vegerin nav malbatên xwe.
Di bersiva pireseke rojnamevanan de ka gelo lêburdineke giştî bi nave Ebdula Gul serokomarê Tirkiyeyê dê derkev? Gul got:
– Ji bo ku çekdarên PKKê çekîn xwe deynin û vegerin nav xêzanên xwe, nuha qanûnek bi nave Qanûna Vegeriyana Malê, li Tirkiyeyê amadeye. Çekdarên PKKê yên ku tu kes nekuştiye, dikarin xwe teslîm bikin û yekser biçn nava xêzanên xwe. Heta ku ew qanûn bikeve di ware piraktîkê de, ez bang li çekdarên PKKê dikim ku çekên xwe deynin û vegerin nav malbatên xwe.
