Festîvala Gelawêj li Silêmaniyê dest pê kir

Li jêr diruşm (slogan) “azadiya nêrînê deriyê afrandinê ye” îro li bajarê Silêmaniyê 14’emîn Festîvala Gelawêjê dest pê kir.

Li gor ku ji aliyê lîjneya serpereştiyar a festîvalê ve hate ragihandin, îsal dê 85 helbest, 45 çîrok û 38 lêkolîn di festîvalê de bên pêşkêşkirin. Her wiha festîvala îsal a Gelawêjê bi navê prof. Marif Xeznedar hatiye binavkirin.

Di festîvalê de tevî nivîskar, helbestvan û rewşenbîrên kurd, rewşenbîrên welatên Fransa, Îspanya, Kazakistan, Îran û Almanyayê jî beşdar bûne.

Di çarçoveya bernameya îro a festîvalê de, biryar e di seat 12:30’an de li Hola Kîtabxaneya Giştî a Silêmaniyê pêşangeheke pirtûkan bê vekirin.

Wek tê zanîn senterê edeb û rewşenbîriyê a Gelawêjê salane li bajarê Silêmaniyê festîvala Gelawêjê saz dike ku ev 14’emîn festîval e û dê 5 rojan berdewam be.

Nerîna min :