Ev cara yekeme ku DYA rasterast li gtel Hemasê dicive

Berdevka Qesra Spî Karoline Leavitt îdiayên ku Amerîka rasterast bi Hamasê re di nava danûstandinan de ye piştrast kir.

Berdevkê Qesra Spî Leavitt di civîna çapemeniyê de pirsên endamên çapemeniyê yên li ser mijarên rojane bersivandin.

Leavitt piştrast kir ku Amerîka rasterast bi Hamasê re danûstandinan dike da ku “girtîyên Amerîkî ji Hemasê azad bike”.

Leavitt got, “Nûnerê taybet (Steve Witkoff) ku van danûstandinan dimeşîne, xwedî rayeya axaftinê ye û li ser vê mijarê bi Îsraîl re hatiye şêwirkirin.” Ev danûstandin berdewam in, ji ber vê yekê ez ê niha nakevim nav hûrguliyan. “Jiyana Amerîkîyan di xetereyê de ye.”

Berdevka Koşka Spî diyar kir ku wan li seranserê cîhanê li gorî berjewendiyên welat gelek axaftin kirine û ew hewl didin tiştên ku ji bo gelê Amerîkayê ya rast bikin.

Îdîayên navborî li ser malpera nûçeyan a Axiosê ku li DYAyê tê weşandin. Hat diyarkirin ku Amerîka cara ewil bi Hamasê re rasterast têkilî daniye û ev hevdîtin ji aliyê Nûnerê Taybet ê Karûbarên Rehîneyan ê Amerîkayê Adam Boehler ve hatiye kirin.

Çavkaniyekî Filistînî ragihand ku Nûnerê Taybet ê Amerîkayê yê Karûbarên Rehîneyan Adam Boehler li Qeterê bi rayedarên Hamasê re li ser serbestberdana welatiyên Amerîkî yên dîl hevdîtin pêk anî.

Li gorî çavkaniyê, Hemasê di civîna xwe ya ligel nûnerê Amerîkayê de tekezî li ser pêwîstiya derbasbûna qonaxa duyem ya rêkeftina agirbestê kiriye. Hamasê her wiha bal kişand ser wê yekê ku “berdana leşkerên dîl ne mîna berdana girtiyên sivîl e.”