“Di derbarê taybetmendiyên dewleta me û nirxên neteweya me de tu tawîz an bazar tune.”
Berdevkê AK Partiyê Omer Çelik piştî civîna Komiteya Rêveberiyê ya Navendî ya AK artiyê ku bi serokatiya Serokomar Recep Tayyip Erdogan civiyabû, civîneke çapemeniyê li dar xist. Çelik di derbarê têkoşîna Tirkiyeyê ya li dijî terorîzmê û Pakêta Dadweriyê ya 11emîn de daxuyaniyên girîng da.
Beşek ji daxûyaniya Çelik derbarê projeya Tirkiyeya bê teror de bû.
Tirkiyeyek Bê Teror: “Tawanbarkirin bêyî rêbazek pêşniyarkirî nayê qebûlkirin.”
Omer Çelik tekez kir ku “Tirkiyeyek Bê Teror” polîtîkayeke dewletê ya AK Partiyê ye. Çelik got, “Bê guman em guh didin her kesê ku pêşniyar an rexneyên samîmî hene da ku Tirkiyeyek bê teror pêk bîne. Lêbelê, em ê kiryarên kesên ku bêyî rêbazek pêşniyarkirî hewl didin pêvajoyê bi helwestek redkirina tevahî, tawanbarkirin, etîketkirin, heqaret û etîketên siyasî yên neqanûnî jehrî bikin, tehemûl nekin.”
Çelik bal kişand ser biryardariya Tirkiyeyê di têkoşîna li dijî terorîzmê de û got, “Ev di nav serweriya Komara Tirkiyeyê de ye. Di derbarê taybetmendiyên dewleta me û nirxên neteweya me de tu tawîz an bazar tune.”
Omer Çelik diyar kir ku armanca stratejiya dijî terorê ya Tirkiyeyê hilweşandina PKKê, tevî hemû girêdayîyên wê, û bêçekkirina wan e. Çelik got: “Xala sereke ya Tirkiyeyek bê teror hilweşandina PKKê, tevî hemû hêman û girêdayîyên wê, û bêçekkirina wan e,”
Çelik her wiha bertek nîşanî daxuyaniyên Mazlum Abdi, fermandarê HSDê da. Çelik diyar kir, “QSD şaxê Sûriyeyê yê PKKê ye û divê ji bo Tirkiyeyê nebe gef,” û diyar kir ku ew qebûl nakin ku ev rêxistin gefek fiîlî li ser Tirkiyeyê çêbike.
