Bazarkirin, tawîz, efû… 5 pirsên ku raya giştî di derbarê pêvajoya hilweşandina PKKê de meraq dike..!

PKKê di kongreya xwe ya 12mînde, biryara xwe fesihkirinê û devjêberdana çekan da û ev yek ji raya giştî re ragihand.

Bi vê pêşketinê, qonaxek girîng destpêkiriye. Lê hêja gelek pirs hene ku, ne zelalin.
Medya Tirkî dibêje ku, pêvajoya Tirkiyeyek bêteror de qonaxek nû dest pê kir. Qonaxa bêçekkirinê tê armanckirin ku di nav 3-4 mehan de biqede.

Li gora daxûyaniyên rayadarên dewletê, ev pêvajo bi banga serokê MHPê destpêkiriye ev pêvajo wek pêvajoya “Tirkiyeya Bê Terorîzmê” hate binavkirin, di bin kontrola dewletê de ye û li gorî planê pêşve diçe.

Pirsa herî girîng di vê pêvajoyê de ku ji aliyê serokê MITê Îbrahîm Kalın ve bi xwe dihat birêvebirin ev bû: “Gelo bi rêxistina terorîst re danûstandinek hebû? Çi tawîz hatin dayîn?” Nivîskarê rojnameya Hürriyetê Nedim Şener, hevpeyvînek ku wî bi rayedarekî ku navê wî nehatiye eşkerekirin re li ser vê mijarê kiriye, bi xwendevanên xwe re parve kir, pirsên ku raya giştî meraq dikir pirsîn û bersivên xwe bi xwendevanên xwe re parve kirîn bi vî awayîne..

1- Pirs: Gelo di berdêla xwehilweşandina PKKê û danîna çekan de, ti bazar, soz an tawîz hatin dayîn?
Bersiv: Na, qet ev yek nebûye, dewleta Tirkiyeyê ev xebat da destpêkirin. Ji ber ku Tirkiye di têkoşîna li dijî terorê de serkeftî bû, rêxistina terorê nikarîbû derkeve derveyî welêt. Her wiha şert û mercên navneteweyî li dijî wan dest pê kirin. Ji ber vê yekê, ji bilî bidawîkirina peymanê çareyek din nema û ti mijarek danûstandinê jî nehat rojevê. Ew bi xwe jî ji niha ve daxuyaniyan didin û dibêjin ku bazarî tune ye. Dewlet di çarçoveya ku ji xwe re amade kiriye de, dimeşe.

2- Pirs: Biryara hilweşandina PKKê ji bo pêkhateyên din ên rêxistinê jî girêdide?
Bersiv: Belê, ji ber ku rêxistina terorîst a PKK avahiya wê ya sîwanîye. Dema ku PKK xwe fesih dike, yên din jî fesihkirî tên hesibandin. Bi gotineke din, li gorî Tirkiyeyê, ev biryar ne tenê li Iraqê, lê di heman demê de li Îran, Sûriye û heta li Ewropayê jî ji holê rakirina avahiyên rêxistina terorîst a PKKê ferz dike. Vebijêrkek din nayê qebûlkirin. Heta wê ev yek dê bi baldarî were şopandin ka gelo avahiyên rêxistinî dê bi guhertina navên xwe çalakiyên xwe bidomînin an na.

3- Pirs: Çawa dê were kontrol kirin ka gelo PKK bi tevahî bi biryara çekberdan û hilweşandinê pabend e?
Bersiv: Ew jî karê me ye. Îstîxbarata Tirkiyê xwedî gelek ezmûn e. Tîmên me yên teknîkî yên xwedî ezmûn li ser vê pirsgirêkê dixebitin. Serokê Teşkîlata Îstixbarata Neteweyî Îbrahîm Kalın ji niha ve di destpêka pêvajoyê de ye. Pêvajo dê gav bi gav were şopandin û di wextê xwe de ji Serokomar Erdogan re were ragihandin.

4- Pirs: Gelo ji bo terorîstên PKKê efûyek heye?
Bersiv: Ti raman, amadekarî an karekî wekî bexşandinê tune ye. Ew kesên ku tevlî sûcên li dijî Tirkiyeyê dibin dê bên cezakirin. Bê guman, avêtina gavên ku dê xizmeta aştiya civakî bikin, warê siyasetê ye. Lê belê, wekî ku hin kes îdia dikin, ti gavên ku zirarê bidin yekîtiya me ya neteweyî çênabin.

5- Pirs: Ger tiştek berevajî bang û biryarên hatine dayîn bibe, ango ger PKK dîsa bi navê xwe an jî bi navekî din êrîşan bike, dê çi bibe?
Bersiv: Komara Tirkiyeyê ji destpêkê ve ne tenê planên “A”, lê her wiha planên “B” û “C” jî amade kirine, û hîn bêtir jî. Bi gotineke din, planên me hene ku li ser bingeha biryara bidawîkirinê û radestkirina çekan, radestnekirina çekan tevî biryara bidawîkirinê, an jî berdewamiya çalakiyên terorîstî di bin navên cûda de, û hwd. Herwiha, ji ber ku tehdîda terorê li herêmê ji holê nehatiye rakirin, têkoşîna Hêzên Çekdar ên Tirkiyeyê û rêxistina me ya îstîxbaratê bênavber berdewam dike. Ya girîngtir ew e ku rêxistina terorîst biryarên ku dane bicîh bîne. Ev pêvajo dê bi baldarî were şopandin.