Şêxê Êzidiyan Şêx Elî Şêx Elyas di daxûyaniyekî de daxwaz ji Hewlêr û Bexdayê kir ku çareseriyeke ji herêma Şengalê re bibînin.
Şêx Elyas di daxuyaniya xwe de dibêje: “Em bang li hikûmeta Iraqê û aliyên din dikin ku jiyana sivîl û mirovên bêguneh ên li Şingalê biparêzin, yasayên navdewletî li ber çav bigirin, milmilaneyên çekdarê ji bajar û navçeyên sivîlan dûr bixin,.”
Baba Şêx bang li aliyan kir ku zimanê diyalogê bi kar bînin da ku pevçûnên çekdarî bi dawî bibin û aramî û aştî li herêmê pêk were.
Baba Şêx got: “Em bang li Hikûmeta Herêma Kurdistanê û Bexdayê dikin ku çareseriyeke ji herêma Şingalê re bibînin ku heta niha ji ber encamên komkujiyan û êrîşên DAIŞê dinale. Em bang li rayedarên pêwendîdar ên li Hikûmeta Herêma Kurdistanê dikin ku ciheke ewle ji malbatên ku careke din xwe li bajarên Herêma Kurdistanê girtine, peyda bikin.”