Termînolojîya ku PKK dişibîne DAIŞê: Îngîmasî

Gökçe Huber

Di 1ê Cotmehê de, dema ku TBMMê dest bi sala nû ya qanûndanînê kiribû, 2 terorîst bi wesayîtek dizî hatin ber derîyê Midûriyeta Giştî ya Ewlehîya Wezareta Karên Navxweyî û di derdora seat 09.30an da hewla êrîşa bombeyî dan. Yek ji êrîşkaran berî ku bigihêje armanca xwe xwe teqand û yê din jî, ku di destê wî yê çepê de çek hebû, hat berterefkirin. Rêxistina terorê PKK berpirsyarîya hewldana êrîşê girt ser xwe.

Diyar e ku PKK çawa propagandayê dike. PKK ji xwe re tevgera azadîya Kurd, Tirkiye wek dewletek kolonyalîst û desthilatdarîya heyî jî wek rejîmek ultra-faşîst bi nav dike; Ew îdia dike ku gerîlayên “altruîst” ên bi îdeolojîya Apoîst xwedî hêz in, li her derê û her demê mîsyona şerê gel ê şoreşgerî pêk tînin.

Lê PKK bi awayekî hovane Kurdên ku li dijî wê ne dikuje û tehdîd dike; Di vî warî de îspat dike ku ne Kurd e û ne jî tevgerek azadîyê ye.

Derfetê nade Kurdan ku wê hilnebijêrin.

Ew wan paşguh dike. Xuyaye ku îdeologên rêxistinê jî nizanin kolonyalîzm û faşîzm çi ne û ji edebiyata zanista siyasî dûr in.

Terorîstên bi navê gerîllayên fedakar ew kes in ku ji alîyê payebilind ên rêxistinê ve hatine xapandin û şandine ber mirinê.

Pir hindik ji wan dijîn.

Serkirdeyên rêxistinê fermana êrîşan li welatên cûrbicûr bi taybet Iraq, Sûrîye û welatên Ewropayê didin, lê ditirsin bên paytexta Tirkîyê û çalakîyan pêk bînin.

Ew terorîstên mejîşûştî arasteyî vî karê qirêj dikin.

Tiştê balê dikişîne ew e ku PKK her ku diçe zêdetir serî li taktîkên mîna DAIŞê dide. Termînolojîya “inghimasi” (ji “xwekuştinê” cuda ye) ku ji alîyê rêxistinên terorê yên bi motîfên olî yên wek DAIŞê ve tê bikaranîn, di hewldana êrîşa ku ji alîyê PKKê ve hat kirin de hat kopîkirin.

Herdu terorîstên ku bi roketavêja lûle dirêj, çek û bombeyê çûne cihê bûyerê, wek li Bataclanê serî li taktîka îngîmasî dan.

Îngîmasî di nav xetên dijmin ên ku xwe wek yek ji wan vedişêrin dike.

Lêkera Inghamasa tê wateya êrîşkirina qelebalixê ye, xweveşartina di nava qelebalixê de ye. Îngîmasî dizane ku yan wê ji alîyê hêzên ewlehîyê ve bê berterefkirin, yan jî wê bi teqandina xwe bimire. Yên ku êrîşa li Enqerê plan kirin, di rewşek ewqasî bêhêvî de bûn ku taktîkên DAIŞê kopî kirin.

PKK ya ku di vê hewldana êrîşê de bi ser neket, wek ku bi ser ketibe daxuyanîyek skandal da.

Di daxuyanîya HPGê de hat gotin, “Eger rejîma AKP/MHPê sûcên xwe yên qirker û faşîst bidomîne, wê çalakîyên rewa yên di wateya edaleta şoreşgerî de bidomin”.

Her wiha hat gotin ku çalakî bi taybet roja vekirina Meclîsê hatiye lidarxistin, Rojhat Zîlan û Erdal Şahîn ên ku çalakî li dar xistine Apoyîyên nemir in û wê di demên pêş de di derbarê Tûgaya Nemiran de agahîyên berfireh bi raya giştî re bên parvekirin.

Hêjayî balkişandinê ye ku li gor PKK hewldanên xwînmij ên bi roketavêj, çek, bombeyan li gor mafên mirovan in û rewa ne; lê Tirkîye, ku endamekî rêzdar yê Rêxistina Neteweyên Yekbûyî, ne rewa ye.

Ev rêxistina terorîst a xeternak ku çekdarên xwe dişîne mirinê û paşê wan wek nemir bi nav dike û bi cesedên wan jî propagandayê dike, mafê herî bingehîn ê mirovî, mafê jiyanê paşguh dike. Ew ewlehîya mirovan tehdîd dike.

Lê mixabin ji alîyê hin dewletên ku dixwazin Tirkîyê têxin nava rewşek dijwar tê destekkirin.

Ev zîhniyeta nexweş wê rojekê ji merhaleya dîrokê bê pakijkirin.

Independent