Rubio bi Sudani re axivî

Wezîrê Derve yê Amerîkayê bi rêya telefonê bi Sûdaniyan re axivî; Yek ji pirsgirêkên di navbera wan de dayîna mûçeyên Hikûmeta Herêma Kurdistanê bû.

Wezîrê Derve yê Amerîkayê Marco Rubio bi Serokwezîrê Iraqê Mihemed Şîa El-Sûdanî re li ser êrîşên dawî yên li ser binesaziya enerjiyê, nemaze yên ku ji hêla şîrketên Amerîkî ve têne rêvebirin, axivî û girîngiya hesabpirsîna sûcdaran tekez kir.

Di daxuyaniyê de hat gotin ku Wezîrê Derve yê Amerîkayê girîngiya berdewamiya dayîna mûçeyên Herêma Kurdistanê û ji nû ve destpêkirina hinardekirina petrolê bi rêya boriya Iraq-Tirkiyeyê tekez kir.

Pirsgirêkek din jî Heşdî Şebî bû, ku Rubio “fikara kûr a Amerîkayê ya li ser pêşnûmeqanûna Heşdî Şebî ya ku niha di parlamentoya Iraqê de ye dubare kir, û tekez kir ku her pêşnûmeqanûnek wisa dê bandora Îranê û komên çekdar ên terorîst saz bike, ku dê serweriya Iraqê qels bike.”