خۆپیشاندانێن دەڤەرێن سوننەیان دەسپێكا پارچەبوونا ئێراقێ یە
خۆپیشاندانێن دەڤەرێن سوننەیان دەسپێكا پارچەبوونا ئێراقێ یە
هەلز عەلی سەلیم
کاودان و دیمەنێن سیاسیێن نهۆ ل ئێراقا فیدرال رۆژانە یێ بەرەف ئالۆزیێ ڤە دجن و ئەڤە هەموو ژ ئەگەرێ هندێ یە کۆ هیج ب رێیەکێ دیموکراسیەت ل ئیراقێ پەیدا نەبوویە و دبنیاتدا دەست پێ نەکریە و نەهاتیە رازیکرن بۆ هە موو لایە نێن سیاسیێن پشکدار دحوکمگرانیا ئیراقا فیدرال دا، دیسان هیج بریارێن گەلێ ئێراقێ ددەستێن واندا نین ژبۆ پرێڤەبرنا وەلاتێ ئێراقێ و هوسا دیار دبیت تانهۆ پەرژەوەندیێن دەولەتێن دەوروبەری ئێراقێ کارتێکرنەکا هەرە مەزن لدۆر تێکدانا بارۆدوخێ ئێراقا فیدرال هەیە و دئەنجامدا هیج بریارەک چارەنڤیسی بۆ گەلێ ئێراقا فیدرال ددەستێن دەستهەلاتدارێن ئێراقیدا نینە بەلکو بجه ئینانا بریارێن هندەک لایەنێن دینە.
هەر ژ هەلوەشاندنا حکومەتا دکتاتورا ئێراقێ ل سالا ٢٠٠٣ و تانهۆ چ گۆهۆرینێن باش پەیدا نەبوویە بەلکو بەرۆڤاژی کۆشتن و وێرانکرن و هەژاری بەرەف زیدەبوونێ ڤە چوویە و ئەڤە ژی بۆ نە وێ باوەرییا دناڤبەرا کۆتلەیێن سیاسیێن پشکداری حوکمگرانییا ئێراقێ دا دزڤریت و ب تایبەت لایەنێ شیعە بۆ خۆ بدەلیڤە دیت ڤان رەفتارێن نە رەوا و نە دپەرژەوەندییا گەلێ ئێراقا فیدرال دا بکەت، جنکو بۆ جەندین سالا دبن حوکم و دەستەسەرکرنا سوننەیان ڤە بوون ژبۆ پەیرەوکرنا زالبوون و حوکمگرانیا سوننەیان، لەوا باوەریەکا موکم بۆ خەلکێ ئێراقێ پەیدابوویە ئێدی دیموکراسیەت ل ئیراقێ سەرناگریت و پارچەبوون لسەر ڤی دەمی ژ هەر وەختەکی دیتر موسگەرترە.
ئەنجامێ سیاسەتا شوفینییا مالکی بکار دئینیت، هەموو باژێرێن سوننەیان ب توندی نەرازیبوونا خۆ بەرامبەر رەفتارێن مالکی دیارکریە و هندەک داخوازی کرینە گەلەکا ب زەحمەتە مالکی بجه بینیت و ئەڤە ژی دێ ئاریشێن بەردەوام ل ئێراقا فیدرال دا پەیدا کەت و دی بنە جهێ ناکۆکیێ دناڤ حکومەت و پەرلەمانێ ئێراقێ دا، لەوا ئەڤە هەموو دێ بنە ئەگەرێ راوستیانا زۆربەی قانونێن پەرلەمانێ ئێراقا فیدرال، دهەمان دەمدا بودجا دەستنیشانکری دی هێتە گیروکرن و هەموو پرۆژەیێن خزمتگوزاری یێن گەلێ ئێراقا فیدرال دی مینە هەلاویستی و هوسا ژوونا جارەسەری بەرەف پێشڤە بجن دێ گرفت و ئالۆزی بەرەف پیشڤەجن.
کاودانێن سیاسیێن بەرتەنگ ل ئێراقا نوو کارتێکرنا خۆ لدۆر کار و پرۆژەیێن هەرێما کوردستانێ هەیە، جنکو بودجەیا هەرێما کوردستانێ گرێدایی سیاسەتا ئێراقێ یە و ڤیانا مالکیە ئاریشە دناڤا هەرێما کوردستانێ دا پەیدا ببن و هەر دەم هەولددەت نە ئارامیێ و تێکدانێ ل هەرێمی پەیدا بکەت چ برێیا کەفێن لەشکەری یان تاوانبارکرنا سەرکردایەتیا هەرێما کوردستانێ ب بابەتێن نە رەوا کۆهەموو خەلک دزانیت چ راستی بۆ نینە، لەوا فەرە گەلێ کوردستانێ ب رژدی لسەر ڤان بابەت و رەوشا سیاسییا نهۆ براوستیت و کار بکەن بۆ بریاردانا جارەنڤیسێ گەلێ کورد
مالپریس
