Zanyariyên bêhtir li ser peywendiyên Kurdistan û Rûsya
Serok Nêçîrvan Barzanî ji bilî pîrozbahiya destbikarbûna birêz Serok Wezîrê nû yê Rûsya, daxwaza Herêma Kurdistanê ya ji bo pêşxistina peywendiyên hemû waran da li gel Rûsya dûpat kir û destxweşiyê li kar û çalakiyên kompanya Gazproma Rûsî ya li kerta enerjî û uzeyê li Herêma Kurdistanê da kir.
Nîvroya îro çarşem 29/01/2020 birêz Nêçîrvan Barzanî Serokê Herêma Kurdistanê pêşwaziya birêz Mikhail Bogdanov Nûnerê Serokê Rûsya yê Karubarê Rojhilata Navîn û Afrîka, Cîgirê Wezîrê Derveyê Rûsya û Balyozê Rûsya li Bexda û Konsolê Giştiyê Rusya li Hewlêr û şandekî li gel kir ku ji hejmarek dîplomatkar û berpirsên kompanya Gazproma Rûsî pêkhatibûn.
Li civînê de ku birêzan Cîgirên Serokê Herêma Kurdistanê û hejmarek ji berpirsên Herêma Kurdistanê amade bûn, birêz Bogdanov silav û rêzên birêzan Serok Vladimir Putin û Serok Wezîrê Rûsya gihande birêz Serokê Herêma Kurdistanê û pesnê rola rêzdar û pêşketinên li Herêma Kurdistanê kir.
Her dû alî rewşa Iraqê guftûgo kirin û tekez li ser girîngiya hewldanên ji bo aramkirina girjî û aloziyên li navçeyê û nebûna Iraqê bi qada kêşe û gengeşeyên hêzên herêmî û navdewletiyan kirin. Her wiha tîşk xistin li ser xwepêşandanan û hewlên wan yê ji bo diyarkirina Serok Wezîrê nû yê Iraqê, kêşeyên Hewlêr û Bexda û girîngiya hemahengiya Pêşmerge û artêşa Iraqê li navçeyên kêşe li ser.
Rewşa Sûriye û hebûna hêzên navdewletî û pirsa Kurd û paşaroja wan ya li çarçêweya Sûriye û rola Rûsya li wî welatî, berdewamiya metirsiyên terorê û çawayiya rûbirûbûna wê, proseya aştî li Rojhilata Navîn û pêşhatên dawî yên kêşeya Filistîn û Îsraîl, rewşa navçeyê bi giştî û çend pirsekî dinê ji bo her dû aliyan girîngbûn, beşekî din ya babetên vê civînê bû.
