Serokwezîrê Kurdistanê û wezîrê derve yê Tirkiye hevdîtin

Nêçîrvan Barzanî serokwezîrê Kurdistanê û heyeta pê re, îro, gihiştin Tirkiyeyê û li bajarê Stebulê digel wezîrê derve yê Tirkiyeyê civiyan

Nêçîrvan Barzanî serokwezîrê hikûmeta herêma Kurdistanê û Ehmed Dawudoglo wezîrê derve yê Tirkiyeyê  li Stenbulê civiyan û têkeliyên navbera Hewlêr û Enqereyê, rewşa siyasî û emniya Îraqê, rewşa Suriyeyê û çend pirsên din yên herêmî nirxandin.

Piştî civîna bi wezîrê derve yê Tirkiyeyê re, tê çaverêkirin ku, Nêçîrvan Barzanî serokwezîrê Kurdistanê digel Receb Teyb Erdogan serokwezîrê Tirkiyeyê bicive.

Di civînê bi wezîrê derve yê Tirkiyeyê re, Îmad Ehmed cîgirê serokwezîrê Kurdistanê, Fuad Hisên serokê dîwana serokatiya herêma Kurdistanê, Aşitî Hewramî wezîrê samanên xwezayî û Sefîn Dizeyî peyvdarê hikûmeta Kurdistanê amadebûn.

 Sefîn Dizeyî li dor serdana serokwezîrê di daxuyaniyekê de eşkere kir ku,  serdana Nêçîrvan Barzanî taybete bi minaqeşekirina pirsa enerjiyê navbera Kurdistan û Tirkiyeyê, guhertinên herêmî û kirîza Suriyeyê be.

Bersiv :

Nêrîna te
Nav: