Serokê Herêma Kurdistanê Nêçîrvan Barzanî pêşwaziya Wezîra Derve ya Swêdê Ann Linde kir ku di çarçoveya serdaneke fermî de hatibû Hewlêrê.
Di hevdîtinê de hilbijartinên Parlamentoya Iraqê û encamên wan, pêwendiyên Swêd û Herêma Kurdistanê, veberhênanên Swêdê yên li Herêma Kurdistanê, rewşa koçberên Herêma Kurdistanê, kampa Holê li Rojava û êrişên DAIŞê hatin nirxandin. Her wiha li ser sîstema yasayî û dadwerî li Iraq û Herêma Kurdistanê û rewşa keşûhewayê û bandorên guhertinan li ser Iraqê hatin gotûbêjkirin.
Barzanî û Linde di civînê de behsa aramiya Iraqê kirin û tekez li ser giringiya lihevkirina aliyan li ser paşeroja siyasî ya Iraqê kirin û pêwîstiya berçavgirtina daxwazên Iraqiyan kirin.
Li aliyê din herdû aliyan di hevdîtinê de rewşa jinan li Iraq û Herêma Kurdistanê jî hat gotûbêjkirin û aliyan li ser başkirina şert û mercên ku jin bi awayekî aktîf beşdarî pirosesa siyasî ya welat û rêveberî bibin danustandina bîr û ramanan kirin. Her wiha bal hat kişandin ser girîngiya parastina demokrasî û azadiyan.
Di hevdîtinê de mijarên weke peywendiyên Hewlêr û Bexdayê, peywendiyên li gel cîranên Iraqê, rewşa navçeyê û dadgehkirina endamên DAIŞê hatin gotûbêjkirin.
