Nêçîrvan Barzanî Serokê Herêma Kurdistanê, pêşwaziya Michele Camerota Konsolê nû yê Îtalya li Herêma Kurdistanê kir.
Li hevdîtinê de Serok Nêçîrvan Barzanî, pîrozbahiya destbikarbûnê lê kir û hemû piştevaniyeke ji bo serkeftina wî ya li erkên wî ya li Herêma Kurdistanê derbirî. Her wiha spas û pêzanînên xwe ji bo piştevaniya serbaziya Îtalya li Herêma Kurdistanê ya li şerê dijî Da’îş û yarmetîdana wan ya Pêşmerge bi taybetî li rûyê meşq û rahênanê ve û hevkariyên miroviyên ji bo koçber û penaberan dûpat kir.
Ji aliyê xwe ve birêz Konsolê nû yê Îtalya xweşhaliya xwe nîşan da ku li Herêma Kurdistanê destbikar dibê û hêvî xwest bikarê peywendiyên welatê xwe ya li gel Herêma Kurdistanê pêşve bibe bi taybetî li warên bazirganî, aborî, kultûrî û perwerdeyiyê da. Her wiha spas û pêzanînên Îtalya ji bo rola Herêma Kurdistanê ya li rûbirûbûna Da’îş da derbirî.
Rewşa belavbûna virusa Korona û pejika Kovid- 19, karê tîmên Îtaliyan li parêzgehên Herêma Kurdistanê yên li warê şûnewariyê da, egera vekirina beşa zimanê Îtalî li zanîngehên Herêma Kurdistanê û geşta raste rast ya asmanî ji Îtalya ve bo Herêma Kurdistanê, rewşa Iraq û navçeyê bi giştî û çend pirseke dinê girîng û hevbeş, mijarên dinê hevdîtinê bûn.
