Serokê berê yê îstixbaratê bû serokwezîr
Piştî 223 roj di ser hilbijartinên giştî yên Hollandayê re derbas bûn, hikûmeta koalîsyonek rastgir û tund hat damezirandin.
Geert Wilders ê ku nîjadperest û dijberê îslamê ye di hilbijartinên pêşwext ên di 22ê Mijdara 2023an de ji sedî 23,5ê dengan 37 kursî bi dest xistibû û Partiya Azadî û Demokrasiya Gel (VVD) ya bi serokatiya Dîlan Yeşîlgoz jî bi 24 kursiyan di rêza sêyemîn de cîh girtibû.
Partiya Sosyalîst a Nû ya bi serokatiya Pieter Omtzigt, ku bi 20 kursiyan di rêza çaremîn de cîh girt, ragihand ku ew dixwaze hikûmetek koalîsyonê ava bike, di nav de Partiya Peyman (NSC) û Partiya Tevgera Hemwelatiyên Cotkaran (BBB) ya bi serokatiya Caroline. van der Plas, ku bi 7 kursiyan di rêza şeşan de cîh digirt.
Wildersê ku di hevdîtinên koalîsyonê de daxwaza wî ya serokwezîrtiyê hat redkirin, di daxuyaniya xwe ya meha Adarê da diyar kiribû ku heta niha jî dev ji vê daxwazê bernedaye”.
Serokê berê yê îstixbaratê bû serokwezîr Bi lihevkirina partiyên koalîsyonê de, di hikûmeta koalîsyonê de serokê berê yê îstixbarata Hollandayê Dick Schoof bû serokwezîr.
Partiya Wilders, PVV ya rastgir a tund, ku hevkarê sereke bû, wezaretên penaberan, tenduristî, binesazî, bazirganiya derve û aborî wergirt. VVD bi serokatiya Dîlan Yeşîlgöz wezaretên edalet, paraztin, aborî û avhewayê, MGL ya bi serokatiya Pieter Omtzigt jî wezareta karên derve,a navxweyî, perwerde û civakî wergirt.
Caspar Veldkamp, ku berê li Îsraîl û Yewnanîstanê balyoziya welatê xwe dikir, wek Wezîrê Karên Derve hat tayînkirin. BBB, hevkarê piçûk ê koalîsyonê, wê wezaretên çandinî û xaniyên civakî bigire dest. Hat gotin ku yekem erka herî girîng a hikûmeta nû ya ku piştî sondxwarinê dest bi kar kir, wê tundkirina polîtîkayên di derbarê penaber û koçberan de be.
