Roja 19.01.2022ê Nêçîrvan Barzanî Serokê Herêma Kurdistanê, pêşwaziya heşt keçên werzîşvanên bilindkirina giraniyê kir ku bûne yekemê palewaniya welatên Erebî ya bilindkirina giraniyê.
Werzîşvan hemû xelkê Herêma Kurdistanê bûn û wekî tîma Iraqê beşdariyê li palewantiyê da kir ku rojên 26 heta 31ê meha derbasbûyî li Hewlêrê birêve çû û komek xelatên zêr û zîv û bronzê wergirtin.
Serok Nêçîrvan Barzanî pîrozbahiyê li werzîşvanan kir û dûpat kir ku pêkve li gel malbatên wan bi wê serkeftina wan xweşhalin û şanaziyê pêve dikin, her wiha hemû piştgîriyeke ji bo berdewamiya karwana werzîşiya wan derbirî û hêviya ber bi pêşveçûn û serkeftinên berdewam ji bo wan xwest.
Ji aliyê xwe ve werzîşvanan spas û xweşhaliya xwe ji bo pêşwazî û pêzanînên birêz Serokê Herêma Kurdistanê derbirîn û dûpat kirin ku ev piştgîrî handera wan dibê ji bo berdewamî û serkeftin û hengavên mezintir.