Serok Nêçîrvan Barzanî pêşwazî li parêzgarê Besrayê kir

Di hevdîtinekê de li Hewlêrê, birêz Nêçîrvan Barzanî, Serokê Herêma Kurdistanê, tevî birêz Esed Elîdanî, parêzgarê Besrayê, xurtkirina hevkariya navbera parêzgehên Herêma Kurdistanê û parêzgeha Besrayê gotûbêj kirin û herdu aliyan girîngiya zêdekirina hevkariyê di navbera hemû parêzgehên Iraqê de tekez kirin.

Di hevdîtinê de, birêz parêzgarê Besrayê pesnê pêşketin û nûjeniya Herêma Kurdistanê da û tekez kir ku parêzgeha Besrayê dixwaze hevkariya hevpar û fêdegirtinê ji ezmûna Kurdistanê di warên rêveberî, plansazî, û pêşkêşkirina xizmetguzariyan de, zêde bike.