ENKS civîneke giştî li Qamişlo li dar xist
Encûmena Niştîmanî ya Kurdî “ENKS” civîneke giştî bi amadebûna endaman ji Hemû deverên Rojavayê Kurdistanê li nivîsgeha PDK-S li Qamişlo li dar xist.
Mijara sereke ya civînê Konfiransa yekrêzî û yekhelweta Kurdî bû, ku biryar e roja Şemiya bê were lidarxistin.
Di vê derbarê de serkirdeyê ENKS Silêman Oso di daxuyaniyekê de got, ku ew bi viyaneke xurt kar dikin ji bo serxistina konfiransê û dibînin ku di dîroka Rojavayê Kurdistanê de, ev konfiransekî dîrokî ye.
Oso got jî: “Piştî hilweşandina Esed em ketin qonaxeke din, qonaxa ku em çawa karibin destkeftên miletê xwe bi cî bikin di destûra Sûrî de”.
*Konfiransa Yekrêziya Kurdî
Desteya Serokatiya Encûmena Niştîmanî ya Kurdî roja Sêşemê di daxuyaniyekê de ragihandibû ku Konfiransa yekrêzî û yekhelwêsta Kurdî dê 26ê Nîsanê were lidarxistin.
Serokatiya ENKS got ku ev destkeft weke derbirîn ji viyana miletê Kurd re, û encama hewlên berdewam ji xebatkaran hat û piştgiriya bira û hevalan “bi taybet cenabê Serok Barzanî”.
