Serok Nêçîrvan Barzanî di konferansê Ewlehiyê de gera diplomasî berdewam dike..

Serokê Herêma Kurdistanê Nêçîrvan Barzanî di çerçoveya Di çarçoveya karnameya xwe ya li Konferansa Asayîşa Munchenê de, li gel berpirs ên welata hevdîtina dike û pirsgirêkên Herêma Kurdistanê û Rojhilata navin gotubêj dike.

Serok Nêçîrvan Barzanî spasiya Kongresa Amerîkayê kir

Di çarçoveya karnameya xwe ya li Konferansa Asayîşa Munchenê da, îro piştî nîvro înê 14.02.2025ê, birêz Nêçîrvan Barzanî Serokê Herêma Kurdistanê, di dîdarekê da digel dostê dêrîn yê Kurdistanê û endamê Senatoyê Amerîkayê birêz Senator Chris Van Hollen, spasiya piştevaniya berdewam ya Kongresa Amerîkayê ya ji bo Herêma Kurdistanê kir.

Birêz Senator Hollen, ji aliyê xwe ve, rola Herêma Kurdistanê di parastina ewlehî û aramiya navçeyê da bilind nirxand û tekez li ser berdewamiya piştevaniya Kongres û dostên gelê Kurdistanê li Amerîkayê ya ji bo Herêma Kurdistanê kir.

Pêşhatên dawî yên li navçeyê bi giştî û encamên wê yên li ser Rojhilata Navîn jî di hevdîtinê de hatin nirxandin.

Serok Nêçîrvan Barzanî bi Seroka Komîsyona Yekîtiya Ewrûpayê re civiya

Îro înê danê nîvro 14.02.2025ê, birêz Nêçîrvan Barzanî Serokê Herêma Kurdistanê, di çarçoveya Konferansa Asayîşa Munchenê da, digel xatûn Ursula von der Leyen Seroka Komîsyona Yekîtiya Ewrûpayê re civiya.

Li civînê da Serok Nêçîrvan Barzanî piştevaniya Yekîtiya Ewrûpayê ya ji bo Herêma Kurdistanê bilind nirxand û her du aliyan tekez li ser pêşxistina têkiliyan û berfirehkirina hevkariyên hevbeş yên Yekîtiya Ewrûpayê ya ji bo Iraq û Herêma Kurdistanê di hemû waran da kirin. Her wiha li ser rewşa Iraq û Herêma Kurdistanê û pêşhatên Sûriyeyê jî danûstandina bîr û ramanan kirin.

Xatûn Ursula dîtin û nêrîna Serok Nêçîrvan Barzanî ya li ser rewşa Sûriyeyê û navçeyê bi giştî bilind nirxand û her wiha spasî û pêzanînên Yekîtiya Ewrûpayê ji bo rola Herêma Kurdistanê û qehremaniya Pêşmerge di şerê li dijî terorê û têkşikandina DAIŞê da dûpat kir û balkişand li ser girîngiya rol û beşdariya jinan ya di şerê li dijî DAIŞê û têkoşîna li dijî terorê da.

Di civînê da çend mijarên din yên xwedî berjewendiyên hevbeş gotûbêj kirin.

Serok Nêçîrvan Barzanî bi Serokwezîrê Kuweytê re civiya

Êvariya îro Înê 14.02.2025ê li bajarê Munchenê, birêz Nêçîrvan Barzanî Serokê Herêma Kurdistanê bi birêz Şêx Ehmed Ebdullah Ehmed El-Sabah Serokwezîrê Kuweytê re civiya.

Di civînê da peywendiyên Kuweytê bi Iraq û Herêma Kurdistanê ra, rewşa navxwe ya Iraq û Herêma Kurdistanê, pêwendiyên Hewlêr û Bexdayê, rewşa Sûriyeyê û pêşhatên dawî yên navçeyê gotûbêj kirin.

Her du aliyan pesna peywendiyên dîrokî yên di navbera Kuweyt û Herêma Kurdistanê û tekez li ser berfirehkirina hevkariyên hevbeş di hemû waran da kirin. Her wiha li ser girîngiya parastina aştî û aramiyê û dûrxistina welatên navçeyê ji pirsgirêk û nakokiyan de hevdeng bûn.

Di derbarê rewşa Sûriyeyê jî da, herdu aliyan tekez li ser girîngiya seqamgîrî û aramiya welat û parastina mafên hemû pêkhateyan kirin û herwesa, berdewamiya şerê li dijî terorê û metirsî û gefên DAIŞê bi pêwîst zanîn.

Serok Nêçîrvan Barzanî bi Wezîrê Derve yê Behreynê re civiya

Nêçîrvan Barzanî Serokê Herêma Kurdistanê, êvariya roja înê 14.02.2025ê li bajarê Munchen ya Almanya yê, bi birêz Dr. Abdulletîf Bin Reşîd El-Zeyanî Wezîrê Derve yê Behreynê re civiya.

Her du aliyan, di civînê da, behsa peywendiyên Behreynê bi Iraq û Herêma Kurdistanê re kirin û ronahî xistin ser pêşhatên dawî yên navçeyê û çawaniya bihêzkirina hevkariyên du alî yên di warên hevbeş da.

Serok Nêçîrvan Barzanî tekez li ser girîngiya berfirehkirina hevkariyên di navbera Herêma Kurdistanê û Şahnişîna Behreynê di warên siyasî û aborî da kir û balkişand li ser rola Herêma Kurdistanê ya di bihêzkirina aramiya navçeyê da kir.

Wezîrê Derve yê Behreynê, ji aliyê xwe ve, xwesteka welatê xwe ya ji bo bihêztirkirina têkiliyên digel Iraq û Herêma Kurdistanê nîşan da û rola Herêma Kurdistanê di parastina asayîş û aramiya herêmê da bilind nirxand.

Her du aliyan li ser rewşa Sûriyeyê û mijarên din yên xwedî berjewendiyên hevpar de danustandina bîr û ramanan kirin.

Serok Nêçîrvan Barzanî bi Patrîkê Dêra Suryanî Ortodoks re civiya

Di çarçoveya beşdariya di Konferansa Asayîşa Munchenê da, îro danê êvarê roja înê 14.02.2025ê, birêz Nêçîrvan Barzanî Serokê Herêma Kurdistanê bi birêz Patrîk Îgnatius Efraîm yê Duyem Patrîkê Dêra Suryanî Ortodoks ya li Entakyayê re civiya.

Her du aliyan rewşa mesîhiyan li Iraq û Sûriyeyê û kêşeyên ku niha rûbirûyê wan dibin û, herwiha, çawaniya bihêzkirina hewlên ji bo aştî û pêkvejiyana di navbera pêkhateyên cuda yên olî û etnîkî li navçeyê da gotûbêj kirin.

Serok Nêçîrvan Barzanî balkişand li ser girîngiya pêkvejiyana aştiyane û parastina mafên mesîhiyan û hemû pêkhateyan û amaje bi pêdagiriya Herêma Kurdistanê di piştgîrîkirina pirrengiyên olî û çandî û bihêzkirina jîngeha tolerans û hevduqebûlkirinê kir.

Patrîk Ignatius Efraîm yê Duyem, ji aliyê xwe ve, ji bo parastin û piştevaniya koçber û penaberên mesîhiyan spasiya Herêma Kurdistanê kir û rola Herêma Kurdistanê wek mînaka pêkvejiyana aştiyane li navçeyê bilind nirxand.

Rewşa Sûriyeyê û kêşeyên heyî yên li navçeyê û çend mijarên din yên xwedî berjewendiyên hevbeş mijarên din yên vê hevdîtinê bûn.

Serok Nêçîrvan Barzanî bi Cîgirê Serokwezîr û Wezîrê Derve yê Urdinê re civiya

Di çarçoveya Konferansa Asayîşa Munchenê da roja înê 14.02.2025ê, birêz Nêçîrvan Barzanî Serokê Herêma Kurdistanê bi birêz Eymen Husên Ebdullah Sefadî Cîgirê Serokwezîr û Wezîrê Derve û Karûbarên Koçberan yê Şahnişîna Haşimî ya Urdinê re civiya.

Peywendiyên di navbera Urdin, Iraq û Herêma Kurdistanê, di civînê da, hatin gotûbêj kirin û herwiha, ronahî xistin li ser çawaniya bihêztirkirina hevkariyên hevbeş di warên siyasî û aborî û pêşhatên dawî yên li deverê da.

Serok Nêçîrvan Barzanî balkişand li ser girîngiya peywendiyên bi Şahnişîna Haşimî ya Urdinê û balkişand li ser rola bi bandor ya Urdinê ya di piştevanîkirina aramiya navçeyê da û dupat jî kir ku Herêma Kurdistanê dixwaze hevkariyên hevbeş bi Urdinê re pêş bixe.

Ji aliyê xwe ve, birêz Eymen El-Sefadî pêdagirbûna Urdinê bi bihêzkirina peywendiyên bi Iraq û Herêma Kurdistanê re dupat kir û pesna rola Herêma Kurdistanê di aramiya Iraq û navçeyê da kir û tekez li ser girîngiya berdewamiya diyalog û hevkariyên hevbeş yên ji bo çareserkirina kêşeyên navçeyê da kir.

Pêşhatên ewlekarî û siyasî li Sûriyê û navçeyê û çend mijarên din yên xwedî berjewendiyên hevbeş hin mijarên din yên vê civînê bûn.