Li Selaheddîn Serok Mesûd Barzanî pêşwaziya Eric Chevallier Balyozê Fransa li Iraqê kir.
Li hevdîtinê de ku Olivier Decottignies Konsolê Fransa li Hewlêrê jî amade bû, rewşa siyasiya Iraqê û pêşhatên dawî yên li nav proseya siyasiya Iraqê û pêkanîna hikûmeta nû guftûgo kirin.
Her li vê hevdîtinê de rewşa Şingalê û debara koçberan û pêwîstiya bi cîhkirina rêkeftinnameya Şingalê xistin ber behs û guftûgoyan.
Li beşeke dinê vê civînê de ronahî xistin li ser paşeroja Kurd li Sûriye û dilgiraniyên li ser egera operasyona serbaziya Tirkiye li Rojavayê Kurdistanê xistin rû.
Her li vê hevdîtinê de ji bilî balkişandina li ser guftûgoya telefoniya di navbera Serok Barzanî û Serok Macron, tekez li ser berdewamiya peywendî û hemahengiya di navbera Hikûmeta Fransa û Hikûmeta Herêma Kurdistanê kirin.
