CîhanRojev

Rêberê Koreya Bakur Kim li Rûsyayê ye

Kremlînê piştrast kir ku rêberê Koreya Bakur Kim Jong-un hat Rûsyayê da ku bi Serokê Rûsyayê Pûtîn re hevdîtinê bike.

Rêberê Koreya Bakur Kim Jong-un Rûsyayê kir. Kim herî dawî di sala 2019an de ji welêt derketibû û serdanê çûbû Rûsyayê. Çavkanîyekî haydar ji ajansa Reutersê re axivî û got ku, Kim Jong-un îro danê sibê gihîşt Rûsyayê, ji trênê peya bû û li bajarê sînor Kazan ê Rûsyayê bi rayedarên herêmî re hevdîtin kir. Ajansa Interfax a Rûsyayê, li ser zarê Berdevkê Kremlînê Dmitriy Peskov ragihand ku Kremlînê nûçeya gihîştina Serokê Koreya Bakur Kim Jong-un bo Rûsyayê piştrast kiriye.

Li gor agahîya ku Ajansa Nûçeyan a Koreya Bakur (KCNA) di derbarê ziyareta Kim de parve kir, rêberê Koreya Bakur di gera xwe de bi rayedarên payebilind ên hikûmet û hêzên çekdar re tê cem hev. Di nûçeyê de hat gotin ku Kim roja Yekşemê 10ê Îlonê piştî nîvro ji Pyongyangê derketiye û li Rûsyayê bi rayedarên payebilind ên Komîteya Navendî ya Partîya Karkeran a desthilatdar re hevdîtin kiriye.

KCNA berî niha ragihandibû ku Kim wê di dema serdanê de bi Pûtîn re hevdîtinê bike, lê agahîyên di derbarê cîh û saetê de nehatine parvekirin. Kremlînê her wiha ragihandibû ku li ser vexwendina Serokê Rûsyayê Vladîmîr Pûtîn, rêberê Koreya Bakur Kim wê di demek nêzîk de serdana Rûsyayê bike.

Back to top button