PKK rêz li xelkê Şingalê nagire

Qauîmeqamê Şingalê ragihand ku, PKKê heta niha jî ji avahiyên hikûmî yê Şingalê derneketiye da ku em dest bi xizmetan bikin, eger ji wan avahiyan dernekeve emê li dadgehên Iraqê û dadgehên navdewletî jî li wan gilî bikin.Mehma Xelîl Qauîmeqamê Şingalê ji malpera KDP.info re ragihand: “PKKê heta niha jî ji avahiyên hikûmî yê Şingalê derneketiye da ku em dest bi xizmetan bikin. Ew rêz li xelkê Şingalê nagirin. Encumena Parêzgeha Mûsilê û qayîmeqametiya Şingalê daxwaz ji wan kirin ku ji avahiyên hikûmî derkevin, lê naxwazin derkevin û dibêjin em tenê bi gotina Bexdayê dikin, lê ti pêwendiya vê yekê bi Bexdayê ve tune ye û ew yek ji desthilata Parêzgeha Mûsilê ye.”Mehma Xelîl wiha got: “Eger PKKê ji avahiyên hikûmî dernekeve emê li dadgehên Iraqê û dadgehên navdewletî jî li wan gilî bikin. Em bi fermî daxwaz ji wan dikin wan avahiyan vala bikin da ku em dest bi xizmetan bikin û xelkê vegerînin ser mal û halên wan.”Tê zanîn ku piştî rizgarkirina Şingalê ji aliyê Hêzên Pêşmerge bi serperiştiya Serok Barzanî bi dawî hat, çekdarên PKKê ji ser Çiyayê Şingalê daketin û 7 avahiyên hikûmî yên nava bajêr kirin baregehên xwe û niha dibêjin divê Bexda ji me re bêje derkevin, lê ew kar pêwendî bi Encumena Parêzgeha Mûsilê ve heye û wê mohlet dabû wan ku ji Şingalê derkevin, lê dibêjin em dernekevin.

Nêrînek

Nerîna min :