Pirtûka 4. ya Ahmet Dere ji nav Weşanên Han derket

03/04/2010

Pirtûka Çaremîn ya Ahmet DERE derket

Pirtûka çaremîn ya nivîskarê Kurd Ahmet DERE a bi navê “Les Kurdes, la Turquie et les Forces Internationales” “Kurd, Tirkiye û Hêzên Navneteweyî” ji aliyê Weşanên Han ve weşandin.

Digel hebûna bi sedan hezaran Kurdan li Fransa’yê, li Belçîka’yê û li Swîsre’yê hê berhemên ku di derbarê têkoşîna gelê Kurd de dorfirehî agahiyan dide mirov bi zimanê firansizî neweşiya ye. Nivîskar Ahmet DERE, ku heya niha pirtûkekê wî bi Kurdî, yek bi yewnanî û yek jî bi tirkî hatine weşandin, ji sê salan vir ve xebatên amadekariya berhemekê bi zimanê fransizî kiriye. Bi alîkariya xebatên dîplomatîk û rojnamevaniyê ku birêz Ahmet DERE meşandiye ev pirtûk hatiye amadekirin.

Di vê berhema xwe a çaremîn de nivîskar li ser dîroka Kurdan, li ser rewşa gelê Kurd a di çar parçeyên Kurdistanê de, li ser têkîliyên di navbera Kurd û ewrûpiyan de, li ser pêvajoya guftugoyan a di navbera Tirkiye’yê û Yekîtiya Ewrûpa’yê de û her wiha li ser nêzîkatiya Amerîka’yê û ya Rusya’yê, ku bi pirsgirêka Kurdan ve girêdayî sekiniye. Dîsa di vê berhemê de nivîskar di derbarê berpirsyartiyên saziyên Kurdan, ên li Ewrûpa’yê û li Tirkiye’yê de jî perspektîf û her wiha pêşniyariyên xwe aniye ziman.

Bi xwendina vê berhema Ahmet DERE ewrûpî dikarin baştir fêm bikin ku gelê Kurd alîgirê aştiyê ye, têkoşîna ku wî ji salên 1970’ê vir ve meşandiye bi armanca pêkanîna aştiyê, pêşxistina biratiya gelan û rêzgirtina nirxên demokratîk e. Lewre divê hemû saziyên Kurdan ku li Fransa’yê, li Belçîkayê û her wiha li Swîsre’yê xebatan dimeşînin ji vê berhema Ahmet DERE sûd werbigirin.

Ji destpêka Nîsanê wê ve heman pirtûk di pirtûkxaneyan li Fransa’yê, li Belçîka’yê û li Swîsre’yê tê dîtin. Her kesê ku bixweze dikare bi rêya [email protected] heman berhemê sîparîş bike.

Weşanên HAN

Nasnameya Pirtûkê :

LES KURDES

La Turquie et les Forces Internationales

Ahmet Dere

1er Publication

Berlin /Mars 2010

Editions Han – 22

Analyses et Recherches – 8

Editeur: Zeynel Abidîn Han

Dessin de couverture: Gazîn Onur Han

Mise en pages: